全民造星IV|花姐繼續踩參賽者歷年最差質素 期待出現《延禧攻略》勾心鬥角情節?

·3 分鐘文章
《全民造星IV》
《全民造星IV》

以打造最強女團為目標嘅ViuTV大型選秀節目《全民造星IV》已於前日(1日)喺九展舉行記者會,96位入圍參賽者首次會見傳媒。參賽者中不乏出現幾位「星妹」:ERROR成員193(郭嘉駿)妹妹郭嘉盈、余香凝妹妹余潔滢以及歐陽巧瑩妹妹歐陽巧霖,亦有一啲熟悉面孔,包括曾經參加過《全民造星III》嘅鄭嘉欣、蘇家欣、方芷欣、夏子涓;另外《啱Channel》演員劉展翹(Jackie)、曾參加TVB《殘酷一叮》及《超級巨聲》嘅趙展彤等都有入圍。

花姐曾經喺《全民造星IV》面試期間已經提及今屆參賽者質素好差,喺呢次記者會接受媒體訪問嗰陣就繼續直指今屆喺歷年最差,花姐補充唔係話一班參賽者無潛質:「今年好多學生,佢哋連點照顧自己都未知,諗一個表演就好難。」不過,即使鬧佢哋10次、跳到喊都唔介意,所以都畀佢哋呢份用心、享受舞台而感動到:「睇到好熱血,好似返咗第一輯《全民造星》咁。」問及最睇好邊個,花姐就點名職業係Dancer和模特兒嘅邱彥筒(Marf):「佢嗰日綵排好得人驚,到第二日改到好好,本身佢嘅潛力好大,唱歌又得,跳舞又得,個樣又有性格,身形又唔錯,所以我覺得佢幾好。」至於喺網絡上被網民狂派嬲,問「點解又係佢」嘅夏子涓,花姐就話同佢了解過再次參賽嘅初衷,知道佢想再有一次同人合作表演嘅機會,覺得佢好有實力咁話。

《全民造星IV》雖然未決定出道名額,但花姐就透露將會喺總決賽之夜宣佈女團出道名單,仲會係以名次而決定。對於咁多女仔一齊比賽,女團經理人戴穎(Wing)表示見到佢哋個心好團結一致,大家都想做好;不過花姐就話擔心節目無《延禧攻略》情節:「竟然冇呢啲睇,我成日撩是鬥非,希望佢哋會有《延禧攻略》,但最後都冇。」

《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能