全球首創 英國建LGBT老人村年中啟用

Yahoo 旅遊
·1 分鐘文章

全球各地都有唔少團隊及組織為LGBT族群爭取應得權益，不過其實有唔少人忽視上咗年紀嘅LGBT族群需要（Lesbian、Gay、Bisexual、Transgender、Queer），好多時候佢哋先係最易受歧視嘅一群。

英國一個非牟利團體Tonic Housing日前就正式公佈，首條LGBT老人社區將於年中啟用！呢個社區位於倫敦南部Lambeth區，係專為已退休嘅LGBT族群所設，只要年滿50歲或以上而又係當中族群就可以申請，房屋分為一房及兩房，價錢每戶由13.5萬英鎊至18萬不等，更可以選擇性認購25%至75%業權，令人更易做業主。

原來根據數字，英國超過50歲嘅LGBT人士就有100多萬人，好多長者退休後只能住於保守嘅老舊社區，經常被其他長者歧視。Tonic Housing仲要於社區中提供專人服務，包括提供聯誼活動、心理輔導、身體照料等，當中更設有各種設施包括餐廳、酒吧、花園及公共空間，負責整個項目建築設計更係全球大名鼎鼎嘅建築師Norman Foster！

由Norman Foster親出設計，全球首個LGBT老人社區。 （圖：Tonic Housing）
由Norman Foster親出設計，全球首個LGBT老人社區。 （圖：Tonic Housing）
社區中設有各種設施包括餐廳、酒吧、花園及公共空間。 （圖：Tonic Housing）
社區中設有各種設施包括餐廳、酒吧、花園及公共空間。 （圖：Tonic Housing）
英國超過50歲嘅LGBT人士就有100多萬人。 （圖：Tonic Housing）
英國超過50歲嘅LGBT人士就有100多萬人。 （圖：Tonic Housing）

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

打機有助宣傳旅遊？日本對馬市封遊戲製作人為旅遊大使

58-歲退休人士獨行飛鵝山自殺崖失蹤-昏迷獲救後送院不治-8-個行山安全注意事項你要知

行山路線-行山好去處-鹿湖-郊遊徑-吊鐘花-萬宜水庫-大枕蓋-西貢-交通