全球首次調高吞拿魚捕漁配額 明年有平魚食!
好多香港人都鍾意食魚生,其中吞拿魚更加係唔少人至愛,而吞拿魚王者就當然係藍鰭吞拿魚,幾乎每一間壽司店都以此為店內招牌,價錢甚至可以到達天價。日前中西太平洋漁業委員會跟各國達成共識,增加2022年30公斤以上藍鰭吞拿魚捕漁配額,為2015年實施配額制以來首次增加。
今次最大受益國家就係日本,其實日本早於過去3年都要協會加配額而被駁回,主要原因係美國拒絕,而今次美國同意係因為有見吞拿魚數目有回升跡象。對日本嚟講,明年可以捕獲嘅配額將增加732噸至5,614噸。更多藍鰭吞拿魚代表價格可以回落,大家可以食平魚喇!不過同時唔少環保組織例如綠色和平都批評協會,因為過往幾十年來過度捕漁令藍鰭吞拿魚數目大減,呢幾年稍有回升隨即加配額實屬非常不智呢。
___________________
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
___________________
相關文章: