全部剷起

【星島日報報道】資本主義加自由經濟,令好多大家不想見到的現象發生。最佳例子,領展基金上市後,全港公共屋 商場已靜靜地起革命,愈在黃金位置(例如港鐵站上蓋)的,愈快變身。昔日做街坊生意小鋪,逐家蒸發,漸漸,被毫無性格的連鎖集團一一佔據。這種無奈,小弟從Day One領匯(當時名字)上市已預計得到。奇在,似乎不少資深官員及政客唔知真天真,定見民意來勢洶洶,突然轉 ,竟然走去「逼」一家上市公司,「教」佢如何做生意,真有點荒天下之大謬感覺。 領展乃百分百上市公司,只要合法,就有權利以其他商業集團模式運作。政府昔日將所有公共屋 商場打包上市,乃為改善其管理兼甩身,如今成功後,豈可輸打贏要?若想再創造屋 風光,就在新建成的公屋商場重溫舊夢(再次變成管理一團糟!)好了,又或,趁領展出售「雞肋」商場時,Buy Back幾個再玩(當然冇咁蠢)。總之,咪再以官威施壓了,非常惡睇呀! 事實,我亦不願見到一家又一家屋 具特色店鋪消失,同樣覺得可惜,只是,反對政府及政客不守遊戲規則,因為,此乃非常唔妥。 最近,何文田區大變身,以千計豪宅單位落成。幾年前我已肯定何文田屋 商場租戶「有難」,因區內客人消費潛質突變,領展當然會隨之而出招「食盡」,這又正是資本主義法則。 結果,中到開巷!近年,睇住商場內一家又一家街坊小店不被續約,尤其街市,擺明即將大變身。昨日到藥房買 生用品,老闆狂呻:「碌哥,冇喇,聞到味要走喇,肯定做到年底被逼拉閘,冇得續約!(街坊都要買藥喎,點可無藥店?)有,畀晒萬寧、屈臣氏、位元堂及同仁堂一類大集團做囉。領展根本唔會同我 傾約,所以,願意接受加租都冇機會,唉,全部剷走!」 曾智華 阿碌 開咪 專欄