兩口子去旅行 女友的4個行為令男人想立即分手

無論係朋友定情侶,一齊去旅行一定可以睇清楚對方嘅真面目,所謂嘅真面目未必一定係唔好嘅嘢,只係會更加了解對方真實嘅一面。不過好多時真面目都唔係咁容易接受,所以除非你同對方已經去到老夫老妻,唔係最好都係控制下自己,以女性來講以下呢幾個行為,就絕對會令你嘅另一半重新考慮係咪會同你繼續行落去,各位姊妹們好自為之。

1.奉旨洗男人錢

就算你男朋友份工有幾高人都好,唔代表要奉旨買嘢比你,所以唔好諗住去旅行就奉旨要對方俾,尤其有啲女仔習慣咗唔貴唔買就更加唔要得,去個旅行已經咁樣使人錢法,同你過世仲得了。

2.男友面前搔仔兼交換電話

旅行認識新朋友係無可厚非,不過都要注意下自己咩身份,如果同男朋友一齊去仲要主動識男仔,尤其是去到交換聯絡,絕對會令對方覺得你唔尊重佢。

3.狂發脾氣

脾氣每個人都會有,不過無論對方係你邊個都好,都唔應該係佢面前不斷發脾氣,有啲女仔咩都發一餐,搵唔到路又發,嘢食唔好食又發,你唔係小朋友,唔該識得尊重人尊重自己。

4.公主病嚴重

有啲女仔去旅行嘅時候公主病特別嚴重,奉旨手殘,買完啲嘢完全旨意男朋友拎,而且下下都以自己為先,完全唔會係對方角度諗嘢,男方似工人多過似男友。

相片來源:love-is-like-a-wind@tumblr