【兩年前收戒指?】 傳馮盈盈與男友已訂婚兼開始籌備婚禮

娛樂LOL

各位男士又要心碎啦!近排有「性博士」及「MK女神」之稱嘅馮盈盈,港姐出身、有樣有身材,當然成為唔少男士心目中嘅女神啦!

不過今日有消息指原來佢嘅醫生男友Martin已經喺兩年前求婚成功,而馮盈盈前年就已經喺私人facebook上載過一張藍寶石戒指相,仲留言話:「今日一起身牙都未擦,就有個男人喺我面前捧住隻藍寶石戒指,然後將呢隻戒指戴上我無名指,我真係好意外好驚喜。」一向唔善於含蓄嘅佢寫到咁白,擺到明就係男友求婚啦!

有指近排佢哋亦已經開始構思婚禮,盈盈就希望可以去外地結婚,之後叫埋一班朋友飛過去開小型party、仲至少要影七輯婚紗相,再加埋拍結婚微電影、之後更加要補返個更隆重嘅求婚儀式,仲話已經叫男友準備定古董婚紗同古董戒指,要攝影師見證呢個時刻咁話。

咁多要求,好彩醫生男友Martin都夠疊水,氹得未來老婆咁開心,結婚後一定更有「性」福啦!

其他內容