公共圖書館年度十大 港人最愛日本旅遊書?

19+

 

香港人有幾鍾意睇書?你對上一次見到人喺地鐵拎住本書睇,係幾耐之前?

 

香港公共圖書館就公布咗2018年度各種書籍借閱量最高嘅十大,

可以話係透視到港人睇書口味。

 

我諗最「矚目」都係成人中文非小說類十大,

因為十本入面,十本都係旅遊書!

當中9本仲係介紹日本嘅,香港人有幾鍾意日本?可見一斑。

剩低一本介紹嘅竟然唔係韓國、台灣(去到熟晒啩)或者大灣區,而係澳洲。

另一個有趣嘅發現係來自英文非小說書籍榜。

第一位係2017年DSE英文科試卷,咁多考生要練習自然多人借。

第2、6位嘅係國際英文評核試IELTS參考書。

IELTS係出國讀書同申請移民必備嘅考試,會唔會係反映好多人都想出外闖闖?

另外有3本同會計科有關嘅書籍名列十大,

其餘多人借嘅仲有講述人類認知系統嘅《快思慢想》及旅遊書Lonely Planet東歐專書。

至於十大中文小說,一半都係金庸先生名著,《射鵰英雄傳》同《神鵰俠侶》排首2位。

其餘5本都係另一位作家亦舒作品,包括《森莎拉》、《新女孩》、《珍瓏》等等。

而2017年係有8本金庸作品及2本亦舒作品入十大,

即係話呢2位名家連續佔據呢個榜。

咁小朋友又鍾意睇咩?

小說類嘅三甲順序為《西遊記》、《三國演義》同《水滸傳》,

除咗第9、10位係新著嘅兒童文學作品,頭8本都係經典著作,

好似同我地細個嘅口味冇咩分別,果然係經典。

 

 

睇完個十大,最出奇嘅唔係香港人熱愛旅遊書,

而係……繁忙嘅小學生仲有時間睇《西遊記》,論借閱量係全港第一!

咁點解呢種愛閱讀嘅風氣,延續唔到大人身上?

原post傳送門

你可能還想看