公路壞車唔停得?網民串女車主等拖車冇腦

19+

壞車冇人想,竟然有網民影女車主相放上網,批評佢「冇帶腦出街」。

 

話說有人喺小心駕駛(討論別人駕駛態度) 出post,

相中影住一名女車主企喺公路上,

身後有一架黑色私家車,

好明顯係壞車。

出post網民話:

「哩個位落車等拖車,小姐有無帶腦出街?」

 

呢個post一出,討論極熱鬧,

3個鐘已經引嚟700個留言,

大批網民都係鬧返個樓主,

反問佢係咪可以決定架車喺邊度壞,

或者車主要識飛走。

 

網民Frederick Chung Ka Chun:

「樓主是否認為佢應該落車跳落去下面?」

網民Ar Dee :

「照樓主邏輯,做車主應該要有預知能力,

知架車幾時會壞,call定拖車一路跟尾,隨時拖走」

 

但似乎樓主潛咗水,

無再回應。

 

到底壞車是否應該企出車外等拖車呢?

其實政府係有建議,壞車後,

駕駛人士同乘客應該喺安全情況下離開車廂,

並且遠離道路,例如企喺欄杆後等待或者離開該地方。

 

至於呢張相所見,事發地點係一條公路,

無欄杆可以畀個女車主避一避,

如果要佢喺條公路度行,就更加危險,

所以佢選擇企喺車頭位置係好正常。

不過佢可以再行遠啲,

以防有後車撞到架壞車繼而撞到佢。

 

大家喺影人相放上網前,真係應該諗清楚,

是否真係有理據。

 

傳送門

 

【相關搜尋】壞車注意事項

 

你可能還想看