公開老公不育/自己食死貓?奶奶日日哦我生唔到仔!

公開老公不育/自己食死貓?奶奶日日哦我生唔到仔!
公開老公不育/自己食死貓?奶奶日日哦我生唔到仔!

撰文:飛天中女Juicy媽

【親子王國分享】唔知點解生唔到小朋友,多數人直觀上都係覺得女方有問題。最近聽到一個故事,兩公婆一直無法懷孕,一查之下真相大白,原來係老公生唔到!重點係奶奶成日咦咦哦哦,話新抱唔食得呢樣嗰樣,因為點點點先佗唔到B。令到個新抱覺得不堪其擾!隻死貓食得好冤枉啫,畀著我真係想大大聲話佢知:「而家係你個仔唔得,唔係我問題,唔該唔好再嚟煩我!」



雖然好洩忿,不過咁樣講得出口嘅話,夫妻關係真係凍過水喇。邊有男人想畀人知自己唔得吖,更何況講畀奶奶知,同揚到成個家族都知冇分別。如果鍚住個老公,都唔想咁樣落佢面嘅。有啲人會覺得唔使太認真對待,敷衍吓老人家咪算囉。而且兩公婆嘅嘢,唔使分得咁清楚係邊個問題。之不過,搞到個新抱被人威逼改變生活習慣,又真係人都癲。新抱可以話係左右做人難,左手又係肉、手心又係肉,點搞好?要改善佢嘅處境,Juicy媽覺得要先釐清一啲概念。

首先,生唔生仔唔需要同人交代。生兒育女,幾時都係父母嘅直屬責任。為做孝子夾硬生出嚟滿足長老,最終都係害咗個小朋友。如果有心生嘅,明知順其自然唔得,仲唔拿拿臨搵方法解決咩?人工受孕乜都好,總算係一個機會。如果根本唔打算生,就算唔係不育都會做好避孕啦。咪照直講出嚟,等長老知道再迫都唔會改變主意,等佢慳返啖氣囉。


即睇下一篇:【兒歌好處多】揀咩歌畀仔女聽?SEN小朋友點樣專心聽歌?創作人:聽母語最好!

你可能還想看