公開邀請亞視一姐薛影儀簽約做藝人 林作︰救星在此

「亞視一姐」薛影儀(阿儀)呢期相信十分頭痕,有單襲擊罪在身上訴緊嘅阿儀,因為拍片而涉嫌無牌駕駛被捕,而亞視子公司又因為欠債而被申請清盤,所有藝人合約中斷。阿儀官非在身兼前路茫茫,但係自稱「香港抽水王」嘅林作,尋日就出post表示願意打救阿儀。

公開邀請亞視一姐薛影儀簽約做藝人 林作︰救星在此
公開邀請亞視一姐薛影儀簽約做藝人 林作︰救星在此

林作向阿儀發出邀約,表示「由於你依家恢復自由身,而且可能會坐下監,本人願意給妳人生第三次機會,簽你作為本人旗下第一位藝人,幫你變本加厲地紅落去」。不過近年大力發展保險事業嘅林作,就講明阿儀唔適合做保險,「不過捧紅人,我有一手,而且眼光獨到」。

公開邀請亞視一姐薛影儀簽約做藝人 林作︰救星在此
公開邀請亞視一姐薛影儀簽約做藝人 林作︰救星在此

最抵死係林作抽水抽埋去年同阿儀一樣參加選美而成為焦點嘅港姐「東涌羅浩楷」(利愛安),話佢「簽咗俾無綫後唔見咗蹤影」,但林作保證阿儀會「更無處不在」。文末林作再補多句「希望傳媒可以代我告知她:救星在此」。

阿儀喺亞視嘅經理人林寶玉,回應傳媒時提到儘量會保住阿儀。唔知阿儀最終會跟邊個?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!