冇份演《陀槍師姐2021》 保養得宜梁雪湄轉戰商界兼做旅遊KOL

·2 分鐘文章
冇份演《陀槍師姐2021》 保養得宜梁雪湄轉戰商界兼做旅遊KOL
冇份演《陀槍師姐2021》 保養得宜梁雪湄轉戰商界兼做旅遊KOL

無綫經典劇集《陀槍師姐》過往推出咗4輯,而續集《陀槍師姐2021》正在熱播中,今次劇集嘅演員陣容大換血,只保留「陳三元」滕麗名、「二妹姐」朱咪咪及「程莎莎」黃美棋等舊有班底。早前劇情講到陳三元回想同老公程峰(魏俊傑飾)嘅過去,令唔少觀眾都諗起佢屋企人,當中包括「陳四喜」梁雪湄。雖然梁雪湄之前都有講過有意復出拍劇,不過無綫就冇邀請佢歸隊。

現年43歲嘅梁雪湄(Koei),中學畢業後便加入無綫藝員訓練班。1998年無綫為追擊ATV嘅《亞洲小姐競選》,推出遊戲節目《超級電波少女大激鬥》,挑選咗一班樣靚身材又好嘅年輕女藝員組成「電波少女」,而擁有驕人身材嘅梁雪湄就係其中一個。雖然佢有唔少演出拍劇機會,但都係飾演配角,例如《真情》梁嘉慧、《陀槍師姐》陳四喜、《金裝四大才子》冬香及《ID精英》Joanna等等。星運平平嘅佢,喺2009年約滿離巢轉到亞視發展,不過未見有太大突破。2011年佢開始淡出幕前轉戰商界,除咗美容生意之外,佢仲有投資冰室連鎖店生意。另外,佢亦係一位旅遊KOL ,經常「周圍飛」,更喺社交網站分享旅遊心得。喺佢嘅旅行靚相中,大家可以睇到佢一啲都唔似43歲,真係保養得非常之好,無論係樣貌、皮膚質素及身材都同以前差唔多,唔怪之得網民們都話好羨慕佢啦!

《陀槍師姐》截圖
《陀槍師姐》截圖
《陀槍師姐》截圖
《陀槍師姐》截圖
梁雪湄
梁雪湄
梁雪湄
梁雪湄
梁雪湄
梁雪湄
梁雪湄
梁雪湄
梁雪湄
梁雪湄
梁雪湄
梁雪湄

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能