冇聽過「宿敵」AGA跳槽 Gin Lee派定心丸 續約表忠

Gin Lee笑言終於有屬於自己的甜蜜情歌。
Gin Lee笑言終於有屬於自己的甜蜜情歌。

環球歌手李幸倪(Gin Lee)對於「宿敵」江海迦(AGA)盛傳過檔華納懵然不知,但表示無論如何都會衷心祝福對方,又賣口乖表忠,指自己已與「娘家」續約,絕無異心。

Gin Lee、吳若希、吳浩康及陳慧敏等昨午現身電視城錄影《勁歌金曲》。Gin Lee透露首次演唱新歌《剛好》:「有粉絲同我講想搵我一隻歌做婚禮主題曲,但我以往唱嘅歌都好慘情,佢完全揀唔到,加上呢兩年大家抗疫,我想帶隻甜蜜情歌畀大家。」

談到同公司的「宿敵」江海迦(AGA)傳約滿過檔華納,Gin Lee說:「唔知。(同佢好少聯絡?)呢排同個個都少,不過嚟緊我會見到佢,到時大家傾吓。(成日傳你哋不和,少咗個勁敵?)邊有咁嘅事?佢無論作出乜決定,都衷心祝福佢。」Gin Lee又不諱言與環球合作8年,早前已續約:「點都會繼續同呢間公司合作。」

吳若希約見新高層

另外,吳若希於節目獻唱新歌《慢鏡》,她表示留家抗疫及照顧小朋友,已有2個多月未有返電視城,對於公司已由「星夢娛樂」改名為「TVB MUSIC GROUP」,她說:「變動好大,所有人都唔同晒,不過我暫時都適應到。舊年轉老闆,呢次轉同事囉!」她表示會約見新高層張仲恆(前英皇高層),並說:「今年除咗有單曲、劇集主題曲,我都幾期待自己有份演嘅新劇《旁觀者》今年播,因為係《金宵大廈2》監製負責,希望觀眾都鍾意《旁》劇!」

吳若希指所屬唱片公司已人面全非。
吳若希指所屬唱片公司已人面全非。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能