冇諗過追番鄧麗欣 方力申:唔係好朋友!

·2 分鐘文章
冇諗過追番鄧麗欣 方力申:唔係好朋友!
冇諗過追番鄧麗欣 方力申:唔係好朋友!

藝人方力申自前度鄧麗欣(Stephy)和台灣男友邱勝翊(王子)分手後,首度出席公開活動。對於不少網民集氣望小方跟Stephy翻撻,小方聞言反問:「係咩?我冇呢個想法,亦冇諗過追番佢喎,不過睇到呢個消息都關心佢嘅,我同佢嘅合唱歌喺網上都有好高收睇次數,所以我諗都有再合作機會嘅。」又透露沒有聯絡過Stephy,他說不是怕食「檸檬」:「唔係好朋友,我係佢fans,喺網上佢冇follow我,但我有follow佢,佢follow好少人。」

而本月16日,他將和十幾名無綫攝製隊伍往日本投入東奧的拍攝工作,抵達日本後要先接受3日指定酒店隔離,且活動受限制:「唔可以隨意走動,只可以喺酒店上車直去場館,之後再上車直返酒店,就算見到間藥房想入去買嘢都唔得。」又指此行做主持的工作要靠自己:「寫稿、拍乜嘢,都要自己諗,或者set啲妙問妙答嘅題目畀運動員,打算喺酒店隔離時,自己做吓功課先。」

問到可會自行留在日本順道度假?他坦言有想過,但又考慮到日本防疫措施,夜生活有限制,又擔心如日本疫情有變,可能返港後的14日隔離期或會延長,加上又要兼顧游水學校課程,最後決定完成工作後就隨大隊返港。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能