再揀都一樣會離巢 周家怡外闖乜都試:唔覺自己好紅

·2 分鐘文章
外闖多年,周家怡把握每個演出機會。
外闖多年,周家怡把握每個演出機會。

「英皇一姐」周家怡近年於影視圈大展拳腳,事隔9年她重返娘家無綫接拍熱播台慶劇《星空下的仁醫》,飾演醫生的她事前為「轉行」行醫做了不少功課,上網搵海量手術片段當「煲劇」:「最初睇係覺得好核突,但睇睇吓就麻木咗,今次可以入埋手術室做手術,真係好好玩!」更搞笑自爆煞科後一度走不出角色,更試過有日去醫院做身體檢查時,險泊了醫生專用車位。

重回「娘家」開工,她感受很大,踏入電視城一刻回憶湧現,展開尋找「腳毛」之旅:「行番好多以前行過嘅路,同導演、編審、幕後同事吹水嘅地方,佢哋真係由細睇到我大,覺得人生眨吓眼就過咗10年,好記得我係17歲入訓練班,啲感覺返晒嚟!」

若然時光倒流,家怡直言仍會選擇「離巢」,以捉緊每個演出機會:「點都試吓先,唔得再算!明白到有好多嘢唔係自己可以控制,譬如有冇戲做?喺呢行仲行唔行到落去?觀眾鍾唔鍾意你?我控制到嘅係機會嚟到盡力做好個角色。」她續說不排除再接拍無綫劇,而劇本就是最大的「誘因」。

劇接劇 好感恩

家怡近年專注向電影發展,成功打響知名度,惟她拒認當紅,更笑謂希望事業高峰可以再高:「啲人成日都話我好多嘢拍,但又唔覺得自己好紅,不過今年可以劇接劇我都好感恩,尤其係好難得遇到好嘅團隊,啲劇本都係我好鍾意,帶到唔同訊息畀大家反思。」

周家怡笑言太投入醫生角色,試過差點泊車在醫生專用車位。
周家怡笑言太投入醫生角色,試過差點泊車在醫生專用車位。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能