冰島第二大冰川 本世紀內將消失
冰島位處北極圈之中,有唔少冰川都極為震撼,成為全球遊客必到之處。世界正飽受氣候暖化危機,其中冰島第二大冰川朗格冰川(Langjokull Glacier)形成於2,500年前,面積大約900多平方公里,最高點為1300多米。
不過自1940年開始已經開始愈融愈快,由1890年有紀錄以來已經蒸發250平方公里。於冰川帶團20多年嘅導遊Gunnar Gudjonsson就見證冰川愈縮愈細「每年都見到冰川有新嘅山峰出現,即係話冰川又融化不少。」冰島氣象專家就話,朗格冰川幾乎無可能長存,如果氣候問題唔可以解決,相信冰川將會於本世紀內消失,或者只剩10至20%,從此朗格冰川成為歷史上嘅詞語。作為遊客,除咗要趕住去睇之外,當然要同心合力阻止氣候暖化,由自己做起,生活環保減少碳排放!
相關文章: