出動人造雪機製造浪漫!傳李佳芯獲富豪力追

·1 分鐘文章
出動人造雪機製造浪漫!傳李佳芯獲富豪力追
出動人造雪機製造浪漫!傳李佳芯獲富豪力追

「視后」李佳芯(Ali)與拍拖6年嘅陳炳銓早前傳出情變,雖然兩人冇親口承認,但隨住Ali搬離愛巢入住紅磡服務式住宅,似乎一切已成定局,有指陳炳銓一路都唔承認分手係想挽回Ali,不過有消息指,重新上市嘅Ali唔愁寂寞,大把人追,據知有一名40幾歲嘅城中富豪,出錢出力追求Ali,於去年聖誕節,呢名富豪就請咗大班人去佢屋企開P,為咗氹Ali開心,大陣仗租咗部人造雪機,喺豪宅花園草地上製造一場浪漫嘅日本雪景,仲講到明係冧Ali!

至於陳炳銓方面,佢一路都利用兩人所養嘅愛犬「豆豉」爭取同Ali聯繫,不過冇乜成效,最近Ali已經由紅磡服務式住宅,再秘密搬到將軍澳一間酒店居住,完全冇返回愛巢之意,睇嚟陳炳銓箍煲無望。

早前Ali被東網拍得秘密搬入紅磡服務式住宅。
早前Ali被東網拍得秘密搬入紅磡服務式住宅。
Ali搬離與陳炳銓愛巢,傳出情變。
Ali搬離與陳炳銓愛巢,傳出情變。
Ali被傳獲富豪力追。
Ali被傳獲富豪力追。
此情不再。
此情不再。
陳炳銓出動愛犬箍煲,似乎冇乜用。
陳炳銓出動愛犬箍煲,似乎冇乜用。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能