雅虎香港新聞 
【出街搵食】深水埗$12巨型花膠車仔麵！自家心機餸 手撻墨魚餅＋日式叉燒｜深水埗車仔麵｜
深水埗「文記車仔麵」，去年成為了全世界第一間獲米芝蓮推介的車仔麵店，人氣旺盛到日日排長龍！正所謂一時無兩，就在「文記」搶盡風頭之時，竟然有人夠膽挑機，在一街之隔插旗賣車仔麵，更大推$12巨型花膠做餸料，難怪開業四個月已成為區內另一話題車仔麵店。
撰文：ning 攝影：Scott
挑機米芝蓮名店？ 深水埗$12巨型花膠車仔麵
車仔麵近來在深水埗好紅，皆因區內的「文記」，去年成為了全球第一間獲米芝蓮推介的車仔麵店，名氣響噹噹！正所謂一時無兩，就在「文記」搶盡風頭之時，竟然有人夠膽挑機，在一街之隔插旗賣車仔麵？
「文記是龍頭大哥，大家識英雄重英雄，我只是抱住畀多個選擇客人的心態去做，當是學嘢、切磋吧。」老闆吳生說得謙虛，開過兩間魚湯米線店，四個月前在福華街這裡開車仔麵，目的只是想擴闊自己的客源，從未想過挑機。
自創心機車仔餸 必食厚切鮑汁花膠
面對強勢的「文記」老大哥，要站穩陣腳，還是要花點工夫，於是吳生決定從餸料入手，自創心機車仔餸料。落得最重本的，要數這塊厚肉花膠！日賣最少30斤，周末假日賣得更多。
手掌般大的花膠，原來是用細細塊的花膠疊起來曬乾而成，用薑水紹酒浸過夜辟腥，啤水後再用雞殼、雞腳、豬骨湯燜煮，再以蠔油鮑汁浸至入味。
店內花膠來貨最少$200，配車仔麵卻只賣$12一份，老闆坦言「無乜得賺」，純粹當噱頭，沒想到被他殺出一條血路，來這裡光顧的人，幾乎個個都必嗌花膠。
（餸料每款 $6-$12、粉麵每款 $8）
人手撻！彈牙墨魚餅
還有手撻墨魚餅，20斤新鮮墨魚柳，剁碎打成墨魚漿後，人手撻至起膠再炸香而成。
韭菜餃也是新鮮由女工即包，菜肉比例平均，味道鮮甜清香。
自家製日式叉燒、豬軟骨
新派餸料還有自家製豬軟骨和日式叉燒，原條巴西脢頭肉捲起再用繩紮好，用京葱、萬字醬油、味醂和鰻魚汁慢燜8小時，2分肥8分瘦的比例，口感和油香剛剛好。
溏心蛋用湖北紅心雞蛋做，色澤橙黃，蛋黃半熟流心。這樣一碗有叉燒有溏心蛋有豬骨湯，十足日式拉麵的賣相！
同場亦有其他小食如蒜辣雞翼尖，參考B仔雞翼尖的做法，蒜味突出，辣得過癮，雞翼尖嫩滑油潤。
又兼賣牛角包、菠蘿包，將麵包烘熱，夾碎蛋、吞拿魚、火腿等餡料，做下午茶或早餐一流。
如此有心思，難怪開業四個多月，已成為區內另一話題車仔麵店。反正「文記」排長龍難等位，轉場試試新口味也不錯。
任你點車仔麵
地址：深水埗福華街147號地下（顯示地圖）
電話：2488 3338
營業時間：星期一至日 9:30am-11pm
備註：車仔麵每碗最低消費$25；不設加一、只收現金。
一幻蝦湯拉麵11/4登陸灣仔！北海道名物 60kg甜蝦頭熬湯 濃郁鮮香｜灣仔日本菜｜
【出街搵食】元朗泰式湯底車仔麵！激罕鮮甜鱷魚湯＋惹味咖喱湯＋冬蔭功｜元朗車仔麵｜
延伸閱讀：
【日本櫻花2018必讀】花期早到！日本東北、北海道賞櫻行程+景點特集
