切勿趕絕弱對手

【星島日報報道】台灣總統蔡英文執政一年，苦過DD，民望插水，內受藍營纏擾搗蛋，黨內大佬不少又翹埋手睇佢點死（因冇份玩也！）。外呢，中國共產黨當然步步進逼，封殺任何外交空間，小至聯合國 生組織，大至「國與國」之間交往，全面寸步不讓。政治講硬實力，台灣今時今日弱過弱煲，根本無力抗衡，所以，無奈節節敗退。 最慘，連國仔外交也慘被全面剝光豬，源於清末有一百零六年的「中華民國——巴拿馬」外交關係，亦畫上句號。再落去，必變無爪蟛蜞。 究竟，中共逼民進黨埋牆角，是否最佳策略呢？這個，以戰術角度看，未必理想有利。 小弟上世紀七十年代入無 工作，撞正電視大戰，佳視重金挖去多位無 猛將，出招狠辣。麗的電視（後改名亞洲電視），亦在中興，麥當雄等梟雄式電視人，打游擊戰，幾次成功擊潰TVB劇集及《歡樂今宵》陣 ，大口氣到要「千帆並舉，連根拔起」！呢場三角戰，最後仍然是TVB「長途佢贏晒，冇人夠佢跑」。終於佳視執笠，麗的變回弱勢台，只可零星出擊，無晒威脅。 當時，TVB其實可以再加大力度，一舉殲滅已改名為亞洲電視的「麗的」。不過，無 主席邵逸夫爵士大智大慧，視野絕非普通管理層可比，暗暗下令：「不准對亞洲電視趕盡殺絕！」 是否邵爵士有菩薩心腸，刻意放過對手，畀條生路對方行？當然錯。老謀深算的Sir Run Run正是要養住個弱對手。因為，若殲滅亞視，等於搬起石頭打自己腳，到時，政府必定再發牌畀新經營者！亞視咁弱雞，點玩佢都得，只要唔玩死佢，就不會有另一個未知實力對手出現，此乃邵爵士下令「留手」之因，並非行善！ 如今中共逼到民進黨埋牆角，首先失盡台灣民心，演變如何，未知。是否最明智之舉呢？ 阿碌開咪 曾智華 專欄