刪完再出Post!譚凱琪晒腳仔相宣布囡囡出世

·1 分鐘文章
刪完再出Post!譚凱琪晒腳仔相宣布囡囡出世
刪完再出Post!譚凱琪晒腳仔相宣布囡囡出世

39歲藝人譚凱琪私事甚為低調,無論係婚事定有喜都唔聲唔聲,今年6月佢喺社交網上載孕照,見到凸肚先肯宣布懷孕消息。今日佢喺社交網晒BB腳仔相,仲話BB出生時重6磅8,不過佢好快就將個Post刪咗,不過佢再快手都唔網友手快,一早已經有人cap低咗!

之後譚凱琪再喺社交網宣布囡囡BabyG出世嘅消息,佢仲以Staycation嚟形容呢個過程,兩個人Check in,三個人Check out,非常有意思!佢話好開心BB加入大家庭,報喜話母女平安,多謝大家祝福!譚凱琪受訪時謂:「開刀生,因為要餵奶,所以要準時休息、食嘢,咁先有氣力。(B女似你嗎?)BB個樣依家每日都變緊,有啲似我,又有啲似老公。」

好姊妹龔嘉欣接受東網訪問時表示:「真係好開心,最緊要媽媽同BB健康平安,之後會約埋Grace(陳凱琳)去探佢哋。」陳凱琳開心表示:「好戥佢高興,我哋一班姐妹都好期待BB出世。去探BB時當然會買嘢畀BB,會買啲比較實用嘅嘢。」