前無綫新聞主播王俊彥英國製作《新聞傳送》:想不到屋企變錄影廠

·3 分鐘文章
王俊彥
王俊彥

前無綫新聞主播王俊彥今年3月離開無綫,喺最後一晚新聞報道尾聲時,佢就哽咽向觀眾道別:「今次係最後一次為大家報道新聞,香港人珍重,Goodbye!」其後又喺社交平台發長文訴說多年記者點滴,指昔日首次踏上無綫新聞車興奮緊張,唯多年後人事已變遷:「想著的是這份工作的刺激;掛念的是咬文嚼字的執著。難題是,時光未許倒流。」王俊彥喺7月與太太赴英國倫敦展開新生活,除咗分享英國生活日常以及喺社會所見實況,近日亦開設「各位,我係王俊彥」YouTube頻道製作《新聞傳送》,以另一形式報道新聞。

《新聞傳送》暫時屬試行階段,片長約8至10分鐘;目標每日英國時間約1600播出,即香港時間2300、北美東岸時間1100左右。王俊彥表示繼續新聞工作嘅原因係因為收到好多喺唔同國家嘅香港人鼓勵:「香港傳媒危在旦夕,期望在個人能力下,將這座城市本來擁有的傳媒價值帶到英國,亦希望在不同角落的香港人,仍然可以觀看由香港傳媒人製作的新聞節目,繼續關心時局。」

王俊彥亦向觀眾致歉指而家試行期間有好多不足,仲提到其實喺離開香港前已有呢個諗法:「今天想不到屋企可以變成錄影廠,可以做到呢個setting。試行有太多不足,製作人手只有本人及內子,時間亦未能拿捏得到,會繼續改善。」網民紛紛留言讚賞王俊彥嘅專業:「只有你一個人都能有如此高水準,肯定你的專業」、「多謝你,你嘅聲音令我好有家嘅感覺,感激」、「多謝你帶比我地香港人知仲有其他人會記得當年的香港。」、「估唔到我身處英國,同樣地你都身處英國,你花了大篇幅報導都係香港既新聞,大家仲係好關心我地既根 : 香港。」、「終於可以看返自己香港人嘅新聞」等等。亦有網民給予意見改善:「如果望埋鏡頭咁講就更加正」、「爭左啲畫面,有埋畫面就正,可以改善下唔好淨係放圖片」、「希望你可以做點評論節目,或粵語報導英國新聞,讓留港人士可以了解一下英國政局。感謝你」等等。

王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥
王俊彥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能