前無綫藝人何俊軒北上另覓發展 稱深圳帶來安全感 香港只有恐懼驚恐

·2 分鐘文章
前無綫藝人何俊軒北上另覓發展 稱深圳帶來安全感 香港只有恐懼驚恐
前無綫藝人何俊軒北上另覓發展 稱深圳帶來安全感 香港只有恐懼驚恐

前無綫藝人何俊軒,上年於社交網站寫下撐警言論,遭到好友公開佢嘅地址,亦因立場不同與家人關係破裂,事後佢仲話自己被封殺冇工開,上年10月只好北望神州尋發展出路。

何俊軒喺微博留言話自己被家人及朋友劃清界線及因被人肉搜索而不敢出門口,於是選擇北上。另外,佢最後亦希望香港嘅年青人買張高鐵飛返祖國睇下:

何俊軒微博
何俊軒微博

另外,佢亦上載一條以「香港人混不下去,才會返內地的嗎?」為題嘅短片解釋北上原因,片中佢就話唔係撈唔掂,而係喺香港冇得撈。因為接受咗一個訪問後,佢被人起底,亦有朋友將佢嘅地址出賣,屋企人又同佢斷絕關係。外出時又有好多唔友善嘅目光,搞到佢有一個月唔敢出街。另外,何俊軒仲話佢試過一個人搭車去深圳,之後發現呢度俾到佢一份安全感,而香港就淨係俾到佢恐懼、驚恐,生命受到威脅。

現年54歲嘅何俊軒,喺無綫效力17年,多年嚟都係飾演配角,甚至係唔起眼嘅路人甲角色,不過因為經常飾演警察角色,而有「御用警察」嘅稱號。佢喺2016年因拍攝《踩過界》導致十字韌帶斷裂,佢無奈選擇離巢,並與老婆申請加拿大公民戶籍,移民到加拿大休養。喺加拿大生活時,佢不時上載生活點滴到社交網站與網民分享,不過一年後佢就話自己已經放棄咗加拿大戶籍。回到香港後,佢經常喺微博大讚內地嘅美食、生活節奏及名勝景點等等。

何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒
何俊軒

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!