前空姐再拍片爆爆爆 邊位男藝人耍大牌?邊位係收兵三條Queen?

·3 分鐘文章
《萬千星輝頒獎典禮2020》截圖
《萬千星輝頒獎典禮2020》截圖

近年好多人都轉型做Youtuber,當中包括前空姐「阿Sa」,佢開設頻道「Smart Travel」大爆航空界及娛圈秘聞。早前佢講最喜愛及最討厭明星乘客及「最受歡迎電視男、女角色」張振朗及龔嘉欣嘅秘聞。近日佢再拍片爆《萬千星輝頒獎典禮2020》另一得獎藝人鮮為人知嘅一面及邊三位係收兵三條Queen。

早兩日,阿Sa上載一條短片,講述佢嘅臨時演員朋友爆料指呢位藝員啱啱喺《萬千星輝頒獎典禮2020》奪得「全場大獎」同「豬肉獎」,不過外界就為其他被提名人唔抵,特別係一位「好爸爸」藝人。之後,阿Sa講到個位主角喺未紅嘅時候已經結咗婚,老婆大佢少少嘅,同佢生咗個女。佢哋初頭關係都幾好,點知主角愈嚟愈紅,仲同每一套拍劇嘅女主角傳出緋聞,戲假情真包括「西蘭花」、「矮妹」及「打機女神」,不過「矮妹」同「打機女神」都冇接受佢,而佢同「西蘭花」嘅緋聞傳到成個東南亞娛樂圈都知。除咗緋聞多之外,佢嘅工作態度亦令行內人側目,例如耍大牌,經常遲到,但全組人等佢開工,公司安排了「文替」,即係文戲都要搵替身,真係好大牌下喎!

喺今日,「阿Sa」又再上載短片爆收兵三條Queen,第一位提示係喺頒獎典禮著條one piece 閃閃令嘅裙及肥騰騰,阿Sa話:「呢條Queen連自己男朋友嘅朋友都收為做兵,之後都繼續同男朋友一齊㗎喎」, 佢仲有一招必殺技借刀殺人,自己叫人哋去船p,事件畀傳媒發現咗就即刻話係人哋請佢上船。

第二位Queen收兵收得多而快 ,佢可以喺最短時間內牢牢抓住所有機會,佢可以上半場先約一隻兵去睇戲, 下半場再同另外一隻兵去食晚飯連撻兩仔,戰鬥力相當驚人! 而佢嘅招數就係扮純情及扮無知 。

至於第三條queen,佢收兵多到可以築人鏈,佢嘅招數就係拋磚引玉,阿Sa話:「喺拋心口嗰嚿肉囉,除咗嗲聲嗲氣之外,係唔夠嘅,會對佢啲贊助商,拋心口舊肉出嚟」。

唔知大家估唔估到佢講緊邊個呢?

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!