雅虎香港新聞 【前空姐再爆明星內幕】揭龔嘉欣為事業棄嫁馬國豪門+張振朗勢利眼「見高拜見低踩」？
前國泰空姐阿SA早前在YouTube頻道分享十大空姐覺得最喜愛和最討厭的明星乘客，令到不少人對部分明星大跌眼鏡。趁著無綫《萬千星輝頒獎典禮》圓滿結束，她又再度現身談論兩位新鮮出爐的我最喜愛電視男女角色得主張振朗和龔嘉欣，引來觀眾熱烈討論，
在片中阿SA表示，身邊有一位朋友本身擁有不錯職業，但喜歡到片場做臨時演員過戲癮的朋友，幾年前她偶然問起對方哪個演員特別乞人憎，該朋友指張振朗愛「扮大哥」見高拜見低踩。阿SA又引述張振朗得獎後在台上說的「我家人教導我一定要識尊重別人，別人先識尊重你」，坦言本身已經對張振朗毫無好感，「佢唔講由自可，一講我就爆，佢講到一定要尊重別人，別人先會尊重你，唔好玩啦」、「張振朗多謝完一大爛餐喺工作上幫到佢嘅人，之後多謝屋企人，仲有屋企隻哥基，但係都冇多謝佢身邊嘅女朋友，大家醒目都明㗎啦！」
至於「我最喜愛電視女角色」得主龔嘉欣，阿SA在片中則一直讚不絕口，指原本對龔嘉欣沒什麼大印象，直至看到飾演《殺手》Dark Angel一角，才對她刮目相看，「一個女演員要承受咁多嘅傷痛，仲要剷青晒個頭，對一個女演員來講都係一個犧牲，個形象唔係個個廣告商buy嘅」、「之後《香港愛情故事》，佢可以做鄧萃雯接班人，佢在場多謝黎耀祥時真情流露，祥哥個人好好，當年攞視帝，隔籬廠清潔基層員工都走過來恭喜佢，張生學下嘢，要人尊重要做到一視同仁」讚龔嘉欣之餘不忘補刀張振朗。
阿SA又從馬來西亞空姐朋友口中得知，當地很多人都知道龔嘉欣曾經有一位馬來西亞富二代男友，對方還打本給她開火鍋店又提供無限資金，「呢個傻女有少奶奶唔做，自己放棄呢份愛情。聽講大馬豪門界已經收晒佢哋婚訊，原本真係可以嫁入豪門，不過佢對自己嘅演員職業有一份執着，放棄咗做少奶奶呢分筍工，專心事業，而家真係實至名歸。」
不少網民都替龔嘉欣未能奪得視后感到不值，「唔明點解蔡思貝拿最佳女主角 我覺得龔嘉欣才是實至名歸」、「蔡思貝都系因爲廣告商贊助佢系代言人先攞奬。龔嘉欣初出道時已見過佢對粉絲好好。」對於被爆為事業放棄嫁入豪門，嘉欣早前回應指「呢一個（講法）都唔係第一次聽到，不過係開心事，都好多謝祝福，現時我好開心，我會繼續專注，畀心機工作。」而張振朗則否認阿SA的指控，「唔係事實唔回應啦。」
更多相關文章：
