前DJ蘭茜開畫展 西瓜刨爆牙消失 做文藝闊太住跑馬地

·2 分鐘文章
前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地

尖沙咀文化中心向來有唔少畫家同藝術愛好者開個人展覽,近期有個展覽《茜茜個人書畫展》居然有唔少娛圈人現身撐場,因為參展畫家「茜茜」正是前DJ蘭茜(簡詠嫻)!

退隱幕前多年嘅蘭茜原來學習書畫創作20年,畫展一次過將作品晒冷,而蘭茜造型打扮都充滿氣質,同以前巴喳搞笑形像截然不同。

前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地

90年代商台捧紅唔少DJ,蘭茜係其中一位,當年佢嘅節目裡面嘅《蘭茜夫人劇場》搵齊四大天王錄廣播劇,鋒頭一時無兩。後來蘭茜跳槽新城,又參與幕前演出,最經典可能係喺《獎門人》鬥快食西瓜,用佢一棚哨牙KO對手,仲因此被曾志偉賞識一齊做《獎門人》主持。

前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地

2003年左右蘭茜離開電台,曾經做過公關,據知佢2004年同男友Johnny結婚,婚後蘭茜搬到跑馬地豪宅居住。淡出幕前之後,蘭茜2006年重返校園,喺中大攻讀人類學系碩士課程。

前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地
前DJ蘭茜開畫展 西瓜刨爆牙消失 做文藝闊太住跑馬地

早年有傳媒報導,蘭茜老公同一位富婆關係密切,亦甚少見到蘭茜同老公一齊出入,就連個人IG都好少post家庭照。感情生活成謎,但係社交方面依然活躍,畫展當日撐場嘅有當年《掌門人》常客鄧兆尊、劉曉彤同吳家樂,商台舊同事阮小儀、Donald、黃志淙等。蘭茜同商台舊同事郭靜及Vani更不時茶聚,主持早晨節目嘅Vani舊年更加搵到蘭茜出山客串節目。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能