剛果火山大爆發 全球最活躍火山20年爆兩次
火山從來都係人類文明一大威脅,面對火山爆發,人類可以話只能聽天由命,根無毫無反抗能力。日前全球其中一座最活躍火山,位於非洲剛果嘅尼拉貢戈火山就於無預警之下忽然爆發,一時之間整個天空變成一片橙紅色,大量熔岩噴灑於高空並撲向附近戈馬市。整座城市都急需撒離,約200多萬人要疏散。熔岩更穿越戈馬市直衝向國際機場,再流向達基伍湖,更有部分開始流向鄰國盧旺達。
尼拉貢戈火山極度活躍,對上一次爆發只係2002年時,不足20年出現第二次大規模爆發,當時同樣令戈馬市要全市撒離,最後造成250人死亡,12多萬人流離失所。今次爆發仍未有傷亡報告,全國都集中精力拯救受災人民,希望所有人吉人天相呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: