劇接劇 Chur到盡 袁偉豪現疲態嗌辛苦 蔡思貝搵時間撐「男友」

·2 分鐘文章
袁偉豪與蔡思貝連續合作兩劇,但角色設定不同,不擔心觀眾睇到悶。
袁偉豪與蔡思貝連續合作兩劇,但角色設定不同,不擔心觀眾睇到悶。

蔡思貝與袁偉豪對足成年,剛剛扮演完「師兄妹」,即轉Mode飾演情侶,精神、體力上都進入戰鬥狀態。不過劇外蔡思貝依然心繫「男友」胡鴻鈞,表示會支持他的個唱。

藝人袁偉豪(Ben)、蔡思貝及陳曉華等日前於西貢為無綫劇集《廉政行動2022》拍攝外景,他們湊巧同時要為剛開拍的《法證先鋒V》開工,相當辛苦!Ben明顯現疲態,笑言是「戰鬥」狀態。他受訪時說:「呢2星期辛苦啲,最好可以多啲時間休息,同時拍2套劇,又要轉景,今朝拍完同譚俊彥嘅打戲,成身都係泥,趁放飯時間返屋企沖涼。(飯都冇時間食?)偷少少時間食咗啲沙律,好在開呢套之前專登食肥咗,希望之後拍《法證V》時有時間做番運動。」

而Ben與思貝於《廉》劇中飾演師兄妹,於《法證V》則飾演一對戀人,她說:「我哋依家呢套係完全冇感情線,所以我收到《法證V》劇本時,就同Ben講:『嚟緊我要愛上你!』佢就話:「唔好轉Mode住,我哋《廉政》完先轉Mode啦!(有好默契?)之前合作過好多次,但唔多戲,今次大家溝通多咗,對佢熟悉多咗,情侶就係第一次嘗試,喺《法證V》嘅情侶關係都係悲慘嘅,睇吓到時大家有咩火花。」

另外,說到「男友」胡鴻鈞正為演唱會綵排,問到有否探班,她說:「冇呀!我會盡量去佢演唱會支持。(佢好大壓力?)始終係第一次個人演唱會,想將最好嘅畀人睇,如果係我都會咁!(度期出席撐佢?)盡量啦!」

陳曉華種葱:好治愈

至於陳曉華亦會同時兼拍《法證V》,角色會橫跨故事頭尾部分,現時趁開工不太頻密,她表示有空閒會在家種植物:「我有種葱同芫荽,種完自己食,依家每朝起身會望吓佢哋,好治愈。」

蔡思貝
蔡思貝
陳曉華(左)與歌手陳明憙在新劇合作。
陳曉華(左)與歌手陳明憙在新劇合作。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能