劉佩玥「333儲蓄法」成小富婆 曾豪言唔使男友送手袋甩拜金之名

劉佩玥「333儲蓄法」成小富婆 曾豪言唔使男友送手袋甩拜金之名
劉佩玥「333儲蓄法」成小富婆 曾豪言唔使男友送手袋甩拜金之名

劉佩玥(Moon)2013年香港小姐季軍出身,入行9年嘅佢不停喺演藝路上尋求突破,由2015年《四個女仔三個BAR》乖乖女見習事務律師Holly、《幕後玩家》「最強小三」Emma、《換命真相》性感演出、《把關者們》媽媽角色、《降魔的》啤啤、到去年播出嘅《逆天奇案》演繹反派,被觀眾大讚有進步兼且將角色詮釋到位。去到最近,導演葉念琛現在開拍以大熱韓劇《Penthouse上流戰爭》為藍本嘅TVB劇集《美麗戰場》,而劉佩玥亦係主要演員之一。多年嚟Moon仍未有機會坐正女一,亦有部分觀眾著眼於劉佩玥嘅緋聞身上。

劉佩玥多年嚟緋聞不絕,先後與黃又南、翟威廉、黃子恆等傳出緋聞,被封「娘娘」,又被指拜金;較令人印象深刻嘅必然係與伍允龍嘅緋聞,當時伍允龍仲帶埋劉佩玥出席與Jessica C.嘅老友聚會,不過劉佩玥就表示與伍允龍只係喺劇中過電,對方私底下係大哥哥。另外亦曾傳出賭王何鴻燊兒子何猷亨深夜探班,力追劉佩玥,但劉佩玥同樣否認。而近年,劉佩玥就與周志文傳緋聞,即使從未公開承認戀情,僅以好朋友相稱,但劉佩玥就被多次影到上男方位於藍田平田邨嘅公屋;早前又藉520隔空傳情,令關係越來越浮面。

對於擇偶條件,劉佩玥曾表示最緊要係相處到及關係對等,公屋出身、AA制等完全無問題,對於收禮物,劉佩玥就豪言買袋畀佢會嬲,自己大把錢,唔使對方送畀佢。劉佩玥仲透露讀大學時已靠兼職賺取生活費,亦透過「333儲蓄法」儲錢,將薪金分成3份,分成洗費、儲蓄及家用,同時,記低生活上大小支出、每月準時交還卡數、消費前「三思而後行」,量力而買,例如價格較貴但質量好嘅衫可以著上好幾年,比平衫更抵買;而呢啲方法都令劉佩玥當年出嚟做嘢後,好快就償還到大學借貸,仲可以供細佬讀書,相當叻女。

《把關者們》劇照
《把關者們》劇照
《幕後玩家》葉燁Emma(劉佩玥飾)
《幕後玩家》葉燁Emma(劉佩玥飾)
劉佩玥
劉佩玥
劉佩玥YouTube頻道影片截圖
劉佩玥YouTube頻道影片截圖
劉佩玥
劉佩玥
劉佩玥
劉佩玥
劉佩玥
劉佩玥
劉佩玥
劉佩玥
劉佩玥
劉佩玥
劉佩玥
劉佩玥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!