劉佩玥狂舞跳唱 頭炮變尾場

東方日報
·2 分鐘文章
劉佩玥呢身裝束啱晒大展舞功!
劉佩玥呢身裝束啱晒大展舞功!

無綫音樂節目《流行經典50年》前晚錄影最後一集,群星雲集,首次擔任嘉賓的劉佩玥,更一改以往斯文形象,在台上大跳勁舞,以破格表演「歡送」節目。而主持之一薛家燕大表不捨,無綫高層曾志偉派定心丸,指節目會於年底回歸。

播出至今長達4年的《流行經典50年》,一向甚受歡迎,最後一集除了眾主持薛家燕、曹永廉、鄭俊弘及譚嘉儀外,亦邀得多位歷年主持及嘉賓出席支持,包括胡楓、王馨平、陳敏之、胡諾言、馬德鐘、王君馨、劉佩玥(Moon)等,無綫副總經理曾志偉亦有到場。前日適逢薛家燕71歲生日,大會特別安排蛋糕為她慶生,其3名子女亦有現身影合照,場面熱鬧。

薛家燕與眾主持輪流分享感受,並指很高興志偉能親自到場,坦言得知節目要完結時有點失望及不捨,但知道志偉有心將樂壇發揚光大,想有更多人有機會參與,所以很支持對方,再加上自己快升任嫲嫲,可以有更多時間湊孫。而志偉則承諾節目於年底會捲土重來,並向她大派定心丸說:「一定唔會係最後一集,你睇家燕姐條事業線就知,條事業線咁長一定有排做!」薛家燕搞笑回應:「好彩你留意到我條事業線。」

公司屋企密密操

首次上節目的Moon透露會與譚嘉儀合唱《信者得愛》,更破格地又唱又跳:「呢首歌我之前冇唱過,嘉儀話最後一集我哋想跳少少唱少少,但點知並唔係咁,係要跳晒,我本身唔係好識跳舞,所以我要狂練,我唔可以辜負大家。我喺公司排練咗2日,又拍咗片返屋企逐格慢慢播跟住練,希望大家可以見到個不一樣嘅Moon!」

至於王君馨今次是第3度現身節目,她指鄭俊弘在群組號召當年《星夢傳奇》的參賽者參與,大家一呼百應即時報名,並感慨說:「我哋參加個比賽已經係8年前,時間過得好快,有啲人結咗婚,有啲人做咗媽咪,可能要再下個8年組團再聚。當年大家都好熱血咁追逐歌星夢,我自己上年都做咗獨立歌手,我已經變成上一代星夢,期望新一代有好發展。」

適逢薛家燕生日,大家為她慶祝一番。
適逢薛家燕生日,大家為她慶祝一番。
曾志偉到場派定心丸,薛家燕放心晒!
曾志偉到場派定心丸,薛家燕放心晒!