劉佩玥興奮到仆親 陳曉華「萬歲」補償

東方日報
·2 分鐘文章
陳曉華獲公司力捧又中台慶大獎,行大運!
陳曉華獲公司力捧又中台慶大獎,行大運!

前港姐冠軍陳曉華(Hera)前晚在台慶夜抽中38萬大獎,昨日出席活動時神采飛揚,透露有數百個朋友傳短訊約食飯,踴躍程度媲美當年當選港姐冠軍!提到劉佩玥知道她中獎時興奮到跌低,Hera笑言會請對方食飯補數。

陳曉華、馮盈盈、張秀文、林盛斌(Bob)、鄭衍峰及菊梓喬等,昨日出席無綫big big shop活動,緋聞情侶馮盈盈及鄭衍峰繼續成為被玩對象,推介美容儀器時,Bob更叫鄭衍峰為盈盈的手臂推脂。

中獎似足贏后冠

Hera在台慶抽中38萬存款加黃金大獎,事後受訪時自言向來沒抽獎運,今次是人生首次中獎,會用獎金買禮物送給自己。而她昨日出席活動時心情靚爆滿場飛,笑言Bob建議她將黃金儲起等升值。問到獎品何時到手?她預計下周領獎,而提到劉佩玥興奮到差錯腳一事,Hera笑說:「等叫名嗰陣,佢話好希望有份,點知最後叫咗我,可能佢覺得我嘅即係佢嘅,我會請佢食飯。(係咪要請好多人食飯?)收咗幾百個朋友短訊,媲美當年當選港姐!(有公司力捧再加埋中獎,行緊運?)希望努力工作,上個月拍完劇,嚟緊會學戲同體操,練好啲身手。」

馮盈盈讚鄭衍峰好仔

而馮盈盈被指台慶夜大合照時,與不和的江嘉敏相隔一個身位冇偈傾,她否認:「冇咁嘅事,亦冇面左左,喺後台大家有傾偈打招呼,我仲主動同佢講生日快樂。(有冇約食飯?)大家近排都忙,我日日通宵開劇,年尾多工作係好事,等得閒啲先。」提到鄭衍峰細心為她整理晚裝,她即大讚對方有風度:「其實唔止佢,因為台慶條裙嘅裙尾好長,張振朗都有幫手處理。(鄭衍峰又加分?)佢本身都係好人嚟。(咁台慶最終有冇見到盛傳畀你踢走嘅張曦雯?)大合照時有打招呼,冇講番件事,因為都冇發生過。」

至於打扮撲素的秀文不斷以笑遮醜,自爆擺了大烏龍:「以為淨係綵排同記者會,唔知道有剪綵,嚟到見到馮盈盈Set晒頭着到咁靚,真係有少少驚同心虛!惟有另類突圍而出,搵林盛斌同我組情侶檔!」

馮盈盈否認同「死敵」江嘉敏面左左。
馮盈盈否認同「死敵」江嘉敏面左左。
劉佩玥
劉佩玥
眾星出席big big shop活動,齊齊剪綵。
眾星出席big big shop活動,齊齊剪綵。