劉德華墮馬後有創傷後遺症 特別聘請專人提點「走位」?

東方新地 - 娛聞
東方新地

時隔七年,劉德華將於今年年底再踏上紅館,舉行跨年演唱會。日前,因墮馬受傷而延至今年底才舉行跨年演唱會的劉德華出席於尖沙咀舉行的演唱會記招者招待會。期間,華仔自揭有創傷後遺症,要特別聘請專人提點「走位」?另一方面,演唱會門票今日開售,絕望座位表亦再次出現!

撰文:東方新地|圖片:新傳媒圖片庫、網站截圖

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【延禧攻略】原班人馬開新劇!《皓鑭傳》邊個冇得留低?

劉德華出席演唱會招待會

劉德華昨日出席記招時心情大靚,於台上表演「棟篤笑」,笑言記者乜都可以問,更指記者敢問,佢敢答!結果,就有記者問到開學日,為何華仔唔洗湊女?華仔笑指為免記者朋友們採訪女兒番學日,故特意選開學日舉行記招,以分散傳媒對女兒的追訪力,更稱於早上著到成個Batman咁,故入學校都冇人發覺到佢!

華仔於記招中,表示自己不幸墮馬或是上天的意思,令佢可以有更多時間參與幕後製作,例如設計演唱會海報、請人教寫英文書法「My Love」 這個演唱會標誌等。

劉德華墮馬後有創傷後遺症

言而,華仔坦言最近已開始排舞,但因受墮馬受傷的影響,依家會有創傷後遺症及擔心跳舞時再次整親,更指有與團隊醫生和排舞師溝通,某啲舞步有可能整傷條腰,都唔會跳。

另外,可能受陰影籠罩,華仔更透露依家每次停車時都怕會被後車撞上,所以今次演唱會以安全為首要,更會特別聘請專人,透過耳機提點走位,以避開危險位置。的確,安全至上好重要!

絕望座位表再現

噚日華仔就開完記招,今日就輪到演唱會門票正式開售,而絕望坐位表亦不負大家所「望」又再一次出現!

由於是次購票不設售票處售票,只可上網頁、App同信用卡電話訂購,但唔少人都未能成功登入售票網站。

而且,發現有黃牛網站已有20場嘅演唱會門票放售,頭場A區握手位更叫價$38,888!睇嚟要打擊黃牛風氣,仲有好漫長嘅路要行!

劉德華演唱會2018 年底開20場聖誕跨年演唱會

舊年劉德華宣佈年底會舉行20場「My Love Andy Lau劉德華 World Tour」聖誕同跨年演唱會,劉德華邀藝術家曾梵志為是次演唱會主題作畫。

劉德華演唱會2018
劉德華演唱會2018

劉德華有鑑網路上不斷有演唱會不同真假消息,華仔所屬映藝集團公布3個《My Love Andy Lau劉德華 World Tour》演唱會的官方平台發佈個唱消息,包括: Facebook的My Love Andy Lau World Tour、 IG的MyLoveAndyLauWorldTour、微博的My Love劉德華世界終巡迴演唱會

劉德華演唱會12月15日至明年1月3日舉行,門票分為380元、580元及980元。

早前信用卡優先訂票,每張信用卡只限訂購一次,每次上限4張,一日內已被搶購一空。所以門票正式公開發售的日期雖然為9月初,但有歌迷為搶到門票,已於售票處開始通宵排隊,但上周一名58歲鄭姓男子,凌晨4時多在柴灣青年廣場排隊等候購買下月才正式開售的劉德華演唱會門票時,突然遭兩名男子用刀斬傷,警方初步調查後列作傷人案,交東區警區刑事調查隊第四隊跟進,暫未有人被捕。

劉德華邀藝術家曾梵志為是次演唱會主題作畫
劉德華邀藝術家曾梵志為是次演唱會主題作畫

歌迷撲飛捱斬 劉華心痛拍片

劉德華得悉事件後在其個唱專頁發放一段長1分17秒的片段,表示對事件感到不開心,呼籲購買門票的人要注意安全,亦呼籲警方多加巡邏,保障市民安全。

劉德華:難尋完美方案

片中華仔表現沉重、語帶哽咽說:「今日聽到一個好唔開心嘅消息,傷人事件令我個心好唔舒服。其實我希望,喜歡我或者支持我嘅朋友,都能夠平平安安咁去購買演唱會飛,開開心心咁嚟睇我嘅演唱會。我知道每一個有關嘅單位,佢地都花咗好多時間去諗,我亦都知道好難會有一個好完美嘅解決方法。所以喺呢段時間裡面,我地會盡量去再跟進呢件事。但係喺呢段時間,我希望警方能夠多加巡邏,保護所有嘅市民,當市民喺排隊過程裡面,如果感覺到安全有問題就要報警。我再一次希望大家喺排隊過程裡面保持冷靜,注意自己安全,你地嘅安全,就係我開開心心表演俾你地睇嘅最大動力,多謝。」

劉德華演唱會門票公開發售特別安排 – 不設售票處售票

不過今日主辦單位表示,劉德華演唱會門票公開發售會有特別安排!鑑於近日接踵發生於城市售票網售票處外因輪候購買演唱會門票而導致的傷人事件,映藝文化娛樂(主辦機構)經與康文署及警方協商後決定,基於保障市民的人身安全及維持公眾治安等重要考慮,加上在現階段沒有其他更佳的方案下,《My Love Andy Lau 劉德華 World Tour – Hong Kong 2018》將不會安排於售票處售票,只設網上、流動應用程式及信用卡電話訂購。

購票詳情如下:

《My Love Andy Lau 劉德華 World Tour – Hong Kong 2018》香港體育館(紅館)
15.12.2018 – 3.1.2019
$980, $580, $380

共20場,約60 000門票於9月4日(星期二)上午10時起於城市售票網公開發售,顧客可同時透過以下途徑購票:

● 城市售票網網頁:www.urbtix.hk

● 信用卡電話購票:2111 5999(每日上午10時至晚上8時,包括公眾假期)

● 流動應用程式My URBTIX(Android 及 iPhone版)

每人每次限購最多4張門票。

(售票首天購買此節目的門票時,當使用同一信用卡的累計購票數量在任何一次交易中已達上述的每次購票上限,該信用卡於當天即不能再用於購買此節目任何場次的門票。)

除城市售票網和香港體育館的渠道外,主辦機構僅會透過以下三個官方平台公布所有最新、最準確的演唱會訊息:

(1) Facebook:

https://www.facebook.com/MyLoveAndyLauWorldTour/
(2) IG:
https://www.instagram.com/myloveandylauworldtour/
(3) 微博:
https://www.weibo.com/6598879485/

幫警方手拍片呼籲市民避免受騙

而劉德華更為政府拍攝了一條宣傳短片,呼籲市民避免受騙,要透過正確渠道購買演唱會門券。今日11點半左右,警方透過官方社交平台,上載一條長1分40秒嘅短片,短片開首時可見,華仔身穿白恤衫背向鏡頭,站在辦工室望着掛在牆上的舊相片,然後再慢慢轉身講:「我知道好多人喜歡睇演唱會,點解?因為可以近距離接觸,同支持自己喜歡嘅偶像,但如果你哋喺網上,或一啲非官方渠道買飛,我真係希望你哋小心啲,好多騙徒利用你哋嘅心理,然後透過好多唔同social media話俾你哋聽『我有飛賣』,第一樣嘢就叫你過咗數先,到攞咗錢會想盡辦法 用好多藉口拖延交收,最後唔見咗。」

華仔再話:「唔好信網上like、留言,一切一切我都覺得係博取你哋嘅信任,我又呼籲大家千祈唔好買來歷不明嘅門券,因為真係有機會墜入陷阱,亦唔鼓勵買賣黃牛飛。如果唔想做受害者我有個建議,就係一定要去官方同正確渠道買門券,如果買唔到,要喺第二啲地方買,買飛過程有任何懷疑,希望即刻停止所有交收同報警」最後華仔就呼籲大家,支持佢哋同時要保護自己,避免受騙。

有片睇:

劉德華說出是次演唱會命名及主題原因:「經過了30多年,我是確定『My Love 我愛』一直都在!當你我誠懇面對所遇上的每個緣分、每個時刻,當你我愛工作、愛生活、愛天、愛地、愛人、愛家~~。當你我內心有了『我愛』,愛就源源不絕、讓人無畏無懼。這正是這次演唱會《My Love Andy Lau 劉德華World Tour》要傳遞的態度。」

談到作畫過程,華仔說「和梵志聊過,對創作我是開放的。但可能因為是朋友的關係,所以他想的比較多。」
談到作畫過程,華仔說「和梵志聊過,對創作我是開放的。但可能因為是朋友的關係,所以他想的比較多。」

藝術家曾梵志是中國當代藝術的領軍人物之一,以油畫出名。2013年,曾梵志的《最後的晚餐》(2001年,油彩畫布)以1.8044億港元天價成交,成首件過億的亞洲當代藝術品。中國藝術家的排行榜「胡潤藝術榜」顯示,以作品成交額計算,曾梵志連續11年上榜,今年以1.9億元總成交額,連續4年排名第二。

藝術家曾梵志(左)與劉德華。

喺中環站捕獲劉德華!

依家唔少藝人明星都鍾意喺自己嘅Instagram度分享下日常生活、或者宣傳下新作品咁,應采兒都唔例外,但今次竟然係捕獲劉德華咁難得?!日前,應采兒喺Instagram上傳同劉德華嘅自拍,好開心笑哂口咁樣,睇落個背景仲要成個港鐵站咁!隔咗無耐,小編又見到衛詩雅上傳電影《掃毒2》記者招待會嘅照片,仲問大家估唔估到佢哋喺邊個站開記招喎~但劉華力量果然真係沒法擋,竟然可以攞成個地鐵站嚟開記招咁把炮?究竟係點做到㗎?!

笑的好開心……. 我😍

A post shared by 應釆兒 (@yingcaier) on Jul 22, 2018 at 2:14am PDT


原來,捕獲到嘅唔止有劉德華,仲有古天樂、三哥苗僑偉、應采兒、周秀娜、衛詩雅、張國強喎!衛詩雅仲叫大家估下佢哋喺邊個港鐵站開記招。紅色港鐵站有幾多個啫?聰明嘅網民當然估到係人來人往嘅中環站啦!咪住,唔通《掃毒2》咁把炮封哂成個站開記招?!點做到㗎?!

你地估下我地係邊個地鐵站開 #掃毒2 記者招待會😎😏

A post shared by 衛詩雅 (@michellewsn) on Jul 22, 2018 at 2:47am PDT



原來,由邱禮濤編導、劉德華監製及主演嘅電影《 掃毒2 天地對決》斥資超過千萬、歷時五個月,喺啟德郵輪碼頭以實景1:1搭建咗呢個「港鐵中環站」!今次發佈會就首度公開咗呢個實景,真係似到不行,簡直以假亂真呃到小編啊!

《掃毒2 天地對決》班底及一眾演員
《掃毒2 天地對決》班底及一眾演員
眾人用掃把掃清地上嘅「毒品」,喻意係「緝拿販毒的幕後黑手」。
眾人用掃把掃清地上嘅「毒品」,喻意係「緝拿販毒的幕後黑手」。

電影公司更加安排咗警車,載住「毒犯」劉德華同古天樂現身記招。唔係見到㗎警車駛咗入去,小編都認唔到呢個係佈景啊!

掃毒2
掃毒2


小編都好想可以番工搭港鐵撞到三哥、古天樂、同劉華啊!不過受訪時,古天樂同劉德華都話自己十幾年都冇去過港鐵站,講真拍戲都好難借到港鐵站㗎嘛!三哥就話自己平日都會搭港鐵,仲唔會戴口罩,大方咁話人哋俾面先會想同自己集郵,好型啊!


其實林嘉欣都係主演之一,不過就有事而未能出席。

雖然就冇得地下鐵遇見佢哋啦,但都等小編帶大家睇下佢哋拍戲嘅佈景有幾逼真啦!

似唔似大家平時去增值、入閘嗰度呢?
似唔似大家平時去增值、入閘嗰度呢?
掃毒2
掃毒2

見到啲綠幕先似番個拍戲嘅佈景啊!

掃毒2
掃毒2
掃毒2
掃毒2

其實之前都係由劉德華投資監製、邱禮濤執導嘅電影《拆彈專家》都以實景1:1咁搭咗條紅隧出嚟!睇嚟劉華都幾鍾意搭實景開戲喎,唔知下次仲可以搭到啲呢出嚟呢?

《拆彈專家》拍攝情況
《拆彈專家》拍攝情況
劉德華真係個好投入、好敬業嘅演員啊!
劉德華真係個好投入、好敬業嘅演員啊!
《拆彈專家》劇照
《拆彈專家》劇照

首次公開囡囡正面照!黎明B女 激似天王童年

【港姐2018】賽前大熱 屈居第3 丁子田 姑媽係甘草女星丁主惠

【港姐2018】14號何泳芍大熱倒灶三甲不入 發文自白落選後感

【港姐2018】港姐踏入45年!細數10項歷屆冠軍之最

延伸閱讀:

麥美恩竹昇妹打拼八年之路

其他內容