劉愷威懶理「禁止吸煙」 室內聚餐吞雲吐霧
藝人劉愷威主力喺大陸發展,最近佢就參演話劇,演出結束後佢為一班粉絲簽名,之後就同一班演員及工作人員聚餐,不過竟被影到室內吸煙!
一眾人席上傾得好開心,期間劉愷威隨意點起支煙,吞雲吐霧,不過餐廳內明顯貼有「禁止吸煙」標誌。照片曝光後隨即引起網民熱論,認為佢身為公眾人物,更要注意言行舉止。
另外,網上流傳一段粉絲疑被劉愷威隨行工作人員粗暴對待影片,有指女粉絲想向劉愷威遞信,但被大幅度動作推開及大聲訓斥。網民反應兩極,有啲覺得係該粉絲太Over,差啲摸到劉愷威塊臉,工作人員先出手。之後,有在場粉絲喺網上透露,該粉絲突然衝出嚟,太大動作先被保安迅速擋下,而訓斥該粉絲嘅人並唔係劇組式工作人員,當晚更有工作人員被物品砸傷頭部。