劉穎鏇男仔頭選美 呻冇朋友接棒

劉穎鏇(右)與陳庭欣兩代港姐各有各靚。
劉穎鏇(右)與陳庭欣兩代港姐各有各靚。

劉穎鏇昨日現身港姐招募記者會,自言參選經歷難忘,可惜身邊苦無適合參選的朋友,因不是圈中人便是廣東話不濟,故未能做提名人。

前港姐陳庭欣、劉穎鏇及張寶兒等,昨日出席《2023香港小姐競選》全球招募最後召集記者會,劉穎鏇回想當年參選時在日本及澳門拍外景,感覺難忘又開心:「第一次出埠,行程好充實,最記得要着住劍道服喺水中揮木劍,全身濕晒,熱到妝都融埋。(叫朋友參選?)應該冇機會,因為我喺香港嘅朋友全部都係圈中人,海外朋友就唔識廣東話。」她當年參選前只告知父母,不敢告訴朋友,事後朋友對於性格男仔頭又怕醜的她會去參選都感到不可思議。

陳庭欣以低胸裝性感上陣,自嘲參選年份久遠,擔心之後沒有機會出席,故特別悉心打扮,又慶幸身材沒有走樣:「參選嗰時比依家更加瘦,當年去印度拍外景,真係好辛苦,去之前仲畀人話我包包面,去完印度就中咗『必瘦降』,好在個降到依家仲有威力!」

張寶兒照踩高踭

至於懷孕逾3個月的張寶兒,「犯禁」以4吋高踭鞋現身,她笑說:「本身着拖鞋,嚟到先換高踭鞋,呢對鞋好穩陣。(有冇問准老公袁偉豪?)依家還好,慢慢行囉!不過拎重嘢或者跨過障礙物,佢就會捉住我。」又透露暫未為BB改乳名,由於Fans愛以「袁寶」稱呼她與老公,故BB暫名「袁寶寶」。

張寶兒執定屋,騰出空間迎接新生命。
張寶兒執定屋,騰出空間迎接新生命。