劉芷希 「死」都要靚

東方日報
·1 分鐘文章
劉芷希感激王梓軒教演戲。
劉芷希感激王梓軒教演戲。

擁33D上圍的前無綫「咪神」劉芷希,去年與無綫約滿後,返家鄉馬來西亞發展,雖然撞正疫情令工作停頓,但3年前拍攝的網絡劇集《重案行動之搗毒任務》最近終於播出,點擊突破2,000萬,成績理想。

劇中她跟姜皓文、林子聰和王梓軒合作,飾演反派大家姐角色,相比在無綫演的靚女角色有很大分別。其中一場她被槍殺的戲份,全靠梓軒教她「點死」,她說:「今次有機會做網大嘅女主角,比較緊張,雖然同梓軒冇感情戲,但佢對我好好,演技上教我好多,因為套劇3年前拍,當時我仲係新人,依家睇番,覺得自己仲有好多進步空間!(演大家姐夠壓場?)投入方面要有啲技巧,其中一場開槍戲,我同梓軒研究點樣死得更逼真同動作靚啲,有佢教路,真係好好多,之後幾場戲我都有向佢請教,梓軒好好人,盡量配合我。」