劉鑾雄憂樓價「冧咗唔易救」 突開記招談及恒大 直言冇嬲許家印

華人置業（0127.HK）大股東兼前主席劉鑾雄（大劉）周五（10日）突然召開記者會，澄清近日網絡文章的傳言，會上亦談及早年投資的中國恒大（03333）近年因大跌價損手，以及對最近本港樓市疲弱的看法。他認為，目前營商環境惡劣，如果高息再持續多兩三年，很多大公司都「唔易捱」，若政府再不出招，樓價「冧咗都唔係咁易救得起」。他又提到，沒有聯絡恒大主席許家印，亦「冇嬲佢」，惟日後如有人以物業作抵押要求借貸，他不會再借。

高息多兩三年 大公司難捱

本港土地市場連環出現流標，最新港鐵（00066）東涌線延線東涌東站第一期物業發展項目更錄得「零標書」，是10年以來首見。劉鑾雄直言，目前做生意環境非常惡劣，遇上新投資機會要「小心小心再小心」，認為生意人要計數，當看不通未來樓價可以賣到幾多錢時，自然不會願意入標。

他又引述資深地產界人士形容，東涌東站項目成本昂貴，區內供應多，「有錢人都唔敢入」。

劉鑾雄稱，當前經濟環境下，大家都是「求自保」，留資金「守門口」，希望可以捱過這段息口高企的時間，「希望快就一年、慢就一年半，最好唔好長過兩年；如果再高息多兩三年，好多大型公司都唔易捱。」

對於政府應否撤辣，劉鑾雄多次重申自己沒資格評論，「留返畀啲輩份、size叻過我哋嘅人講。」至於樓價會否繼續下跌、對市民有什麼建議，他嘆一口氣，然後說：「我個人覺得，唔應該講嘅我都講，如果政府再唔積極做番啲好嘢、措施，唔好話跌，冧咗都唔係咁易救得起。」

不過，他補充，政府要平衡樓價及改善市民居住環境各方面也很難做，強調自己並非搞政治，又不是做官，不了解中央及香港當局的想法，「我而家係talking too much」。

劉鑾雄與恒大主席許家印一直以來關係密切，劉鑾雄及華置亦曾投資恒大的股和債，近年恒大爆煲，亦拖累劉鑾雄和公司損手。對於在恒大身上的具體虧損數字，劉鑾雄拒絕透露，只說：「老婆問我，有報紙話我蝕咗500幾億，我點答呀？睇下你計唔計賺咗嗰啲囉。」他又重申，賺蝕多少並不重要，「至少我唔會俾人call孖展」。

有記者問劉鑾雄最近有否跟許家印聯絡，大劉聞言後即大笑數秒，「我冇聯絡佢，我都懷疑有冇人可以聯絡到佢。」他直言「從來冇嬲」許家印，「我係嬲我自己，因為我老婆同佢家姐講過不下200次，叫我賣啦賣啦（恒大投資），我答如果我賣先，佢會死得仲快。」

拒絕再借錢給內房

經歷過投資恒大的教訓後，日後會否對投資內房抱有戒心？劉鑾雄坦言，日後就算有人以物業作抵押要求借貸，他不會再借，「因為銀碼大嘅話，佢哋可以拖你官司，你都執行唔到（收回抵押品），到時你借啲錢都已經沉咗落水。」

劉鑾雄相信，中國政府也很着緊處理內房問題，但他只是「沙灘上一粒沙」，目前僅可以「wait and see（持觀望態度）」；他又主動提及近日有報道指出，國務院要求中國平安（02318）救助碧桂園（02007），稱曾與內地朋友討論，「一隻三萬噸嘅船就快沉，你用一萬噸嘅船想拖佢走？當然係咪真我哋唔知，呢個只係普通生意人嘅common sense。」