劉青雲生日收「炸彈」

東方日報
·1 分鐘文章
劉青雲在片場慶生,開心不已。
劉青雲在片場慶生,開心不已。

影帝劉青雲昨日踏入57歲,早前獲電影《拆彈專家2》隊員吳卓羲、黃德斌、趙永洪及導演邱禮濤於片場提早慶生,送上炸彈形蛋糕,逗得他笑不攏嘴。他透露非首次於片場過生日:「好多時都喺片場過生日,最難忘一次試過生日喺殯儀館取景。」

問到太太郭藹明會否跟他補祝生日?青雲甜絲絲說:「走唔甩,我相信一定仲有一個蛋糕。(太太唔嚟片場送驚喜?)佢唔會,因為知道我性格,我都叫佢唔使送禮,需要嘅嘢應該都有,未有嘅嘢都係冇咩需要,買咗放喺度唔用好浪費。」而正日生日又迎來喜訊,政府昨日公布戲院將於明日重開,《拆彈2》、《逃獄兄弟》將會是首批上映的電影,相信對青雲來說,絕對是一份很好的禮物!