劉頌鵬專嗒姐姐糖？ 朱智賢被「後生仔」迷戀 謝東閔當笑料

無綫小花朱智賢（朱朱）經歷偷食風波後，與男友謝東閔感情更勝從前，惟近日殺出「程咬金」，新進小生劉頌鵬公然向朱朱「示愛」，除了開工朝夕相對，連平板電腦也以其靚相做背景，實行向謝東閔挑機。

朱智賢去年搭上有婦之夫黎振燁，經過一年多時間洗禮，逐漸走出陰霾，獲無綫放生的她，除了新劇《食腦喪B》於收費台播放，還有份擔任「東奧」直播節目主持，由於反應快兼超水準表現，獲網民大讚，成功洗底。

事業正逐步回復，愛情方面也與拍拖幾年的謝東閔經得起風浪，早前朱朱更公開表示獲男友與她慶生，甜蜜指數極高。不過，她近日卻有新仔上場，乃同樣有份主持奧運節目的「後生仔」劉頌鵬，鵬鵬不但是朱朱的忠實粉絲，奧運舉行期間更朝夕相對，望住女神張相開工，就連平板電腦背景，也用上朱朱的靚相，迷戀程度爆燈，不但如此，他還忍不住向鏡頭做出心心手勢：「今日返工真係好幸福。」面對其瘋狂行為，朱朱也忍不住留言：「依家啲後生仔可唔可以唔好咁毒。」

鵬鵬想追蔡思貝

不過鵬鵬昨日接受本報訪問，否認迷戀朱朱：「因為呢排一齊開咗好多日奧運Friend咗啫，大家每日都開10幾個鐘，係會有啲攰，所以大家玩吓放鬆吓，而且每個同事都會輪流做吓Wallpaper。（向謝東閔挑機？唔驚佢呷醋？）唔會，其實同朱朱工作之外，都冇咩機會見到。（朱朱係咪你女神？）又未去到，但佢個人好Nice，好照顧我哋呢啲後生仔主持。」而謝東閔對於鵬鵬的舉動也指是笑料一則，問到朱朱可有告訴他有「情敵」出現？他說：「咁佢又冇講喎！呢排大家都忙住開工嘛！」

現年26歲的鵬鵬憑校草選舉入行，做過模特兒、拍過電影及廣告等，於2019年參加ViuTV選秀節目《全民造星II》，至去年以KOL身份參與無綫節目《#後生仔傾吓偈》開始為人認識，今年正式簽約無綫後即有機會拍劇，頂替另一位「後生仔」劉子碩，「執二攤」拍攝劇集《欺詐劇團》。其實他出手「爭女」亦非首次，早前亮相節目《Mean Talk》，與拍檔嘉賓余德丞同場，當被問到最想追的女藝人，他竟大爆想追蔡思貝，再被問到於李佳芯及思貝二選一作為「親熱」對象，他仍堅定選擇思貝，不放對方緋聞男友余德丞在眼內。