勁過橡膠彈布袋彈 木彈有冇殺傷力?

19+

 

新任警務處處長鄧炳強同傳媒茶敘,

表示考慮引入比橡膠彈同布袋彈威力更大嘅木彈,用嚟驅散示威者。

至於美國已經通過禁售裝備俾警隊,

鄧炳強話可以由其他地方「入貨」,包括東歐同內地。

 

呢期睇過唔少中咗彈嘅傷勢圖片,咁木彈又有幾犀利?

 

根據網上資料,其中一款可能係「一哥」想引入嘅木彈,

貌似一粒成吋厚、好似粒旗咁嘅圓型木塊。

2014年美國密蘇里州有黑人青年被警察開槍打死,

引發群眾上街,當地警方驅散群眾時,就用過呢類木彈。

 

根據報導,有人喺示威現場路過時耳後中彈,

形容當時個人暈一暈、標冷汗,爭啲休克,仲立即流血,

之後中槍位置出現一個硬幣咁大嘅瘀傷。

而喺2003年加州奧克蘭警方都有用木彈驅散群眾,

中彈嘅人出現紅腫傷勢,有傷者控告警方,警隊之後決定棄用「低致命性武器」。

 

除咗直接射向目標,木彈另一個用法係射向地面,

靠反彈力攻擊腿部,令人無法走動。

 

呢啲都係過往案例,而喺現場嘅警務人員咩情況下用、

瞄住邊度發射,都好影響殺傷力。

原文傳送門

你可能還想看