【北極遊】人生必去 北極旅遊濃縮精華一文睇清

Yahoo 旅遊
【北極遊】人生必去 北極旅遊濃縮精華一文睇清
【北極遊】人生必去 北極旅遊濃縮精華一文睇清

肺炎疫症全球大爆發,大家嘅旅遊計劃相信都已經泡湯。其實疫症當前,更令人思考地球身處嘅危機,畢竟人類造成嘅破壞,唔單止係病毒對於人類,仲有對氣候、對動物。如果疫情過後,大家最想去邊?有人話唔敢去人多地方,有人話想去就嚟消失嘅地方,如果係咁,北極自必然係理想選擇。人生有限,生死無常,想去的話,就早早準備啦。

北極南極大不同

講起極地,大家自然會數到南、北兩極,但當分別又豈止係南極企鵝同北極熊呢。北極比南極多樣化,出發前後可以順道遊覽嘅地點有好多,位處北極圈有好多值得一遊嘅國家,例如挪威、芬蘭、格陵蘭、冰島等,已經有冰山、北極光可以睇。至於真正進入北極嘅時間,可能只有2至5日。相反南極需要由南美乘坐遊船,進行十多日行程,感覺會比較單調。

北極熊當然係北極最具代表野生動物;大家必定要去睇呢。
北極熊當然係北極最具代表野生動物;大家必定要去睇呢。

最佳旅遊季節

夏季為北極最佳季節,或者係話「唯一季節」,於7、8、9月北極溫度為3至8度,普通郵輪已可行駛入北極之中;但其他日子都處於嚴寒狀態,溫度底至零下30、40度,不能前往。相反,南極夏天則為11月至1月。 

北極夏季為7、8、9月,溫度3至8度。
北極夏季為7、8、9月,溫度3至8度。

旅遊方式 坐船不坐船?

與南極遊唔同,北極遊可以選擇嘅旅遊方式有好好多,亦要視乎自己希望睇咩。好常見希望睇北極光嘅,可以進入北歐各大城市,而當地通常提供一晚住宿兼追看極光Local Tour,入住當地一啲特製賞極光嘅冰屋。好處係有人安排行程,而且導遊極有經驗,可以預測邊度睇得最清楚,更會教你點先影到極光,萬一天氣唔好,導遊仲會安排坐車前往其他可以睇到極光嘅地方,所以參加Local Tour嘅錢唔慳得呢。

北極參觀方法各有不同,北極光當然係其中之一。
北極參觀方法各有不同,北極光當然係其中之一。

另外,遊北極亦可以選擇坐船,於北歐或格陵蘭都有好多Tour,係直接坐北極觀船深入北極,好處係可以落船,可以近距離睇冰山、追蹤北極熊等,而且行程長短有唔少選擇,短嘅可以2個鐘包來回,長嘅就10日8日都得,當然深入行程會包上岸觀光,可以於冰上睇候鳥及野生動物。

參加郵船可長可短,有幾深入自己可以揀。
參加郵船可長可短,有幾深入自己可以揀。

前往方法

北極遠在天邊,距離我哋十萬八千里遠,如果要參加,點安排?有兩種方法,最直接參加香港旅行社全包團,從香港集合飛往北歐當地,可以先玩一、兩日,再安排坐郵船去到北極。另一種比較上係半自由行,就係自己買機票,視乎想玩邊個國家,熱門就係挪威、冰島、芬蘭、格陵蘭,不過去到該地要自行搵Local Tour,好處係自由度大,不過缺點係好多時旺季好多團都極速爆滿,未必可以如期出發,需要碰下運氣。

北歐多國都有安排Local Tour,大家可揀啱心水就報名。
北歐多國都有安排Local Tour,大家可揀啱心水就報名。


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看