北海道紅潮威力超預期 香港下年隨時無海膽食!?

北海道紅潮威力超預期 香港下年隨時無海膽食!?

早幾日報道過盛產海膽嘅北海道自9月開始因為浮游生物大量繁殖導致紅潮,大量海膽及三文魚死亡,海膽價錢因而急升,由往年每100克2,700日圓(約$196港元)急升一倍至5,500日圓。問題到近日一直持續,直至目前為止唔少北海道餐廳包括壽司店都已經暫停供應海膽,因而出現一股海膽荒。

今次北海道紅潮影響深遠對於海膽養殖業界嚟講可以話係損失非常慘重,就算賣貴1倍仍然係虧損,一直以來北海道海膽可以話係無可取代,因為日本東部海域海膽產量一向少,而來自俄羅斯嘅海膽質素不佳又唔夠肥美,所以最靚海膽一定係來自北海道,而日本政府因為怕漁民濫捕,所以早有規定海膽從放養至捕捉需要4年時間,今年大量海膽死亡,絕對同時會影響到下年一樣無海膽食,連本土都無得食更加莫講話外銷出國,所以香港嘅海膽發燒好可能要忍口一年喇!

因為紅潮導致海產大量死亡,包括海膽及三文魚。
因為紅潮導致海產大量死亡,包括海膽及三文魚。
唔少北海道餐廳包括壽司店都暫停供應海膽。
唔少北海道餐廳包括壽司店都暫停供應海膽。

 

(圖:hokkaidosea@twitter)

___________________

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

___________________

相關文章:

東京迪士尼《反斗奇兵》酒店2022年開幕!4米高角色雕像+安仔主題房

飛機「洩洪」天降糞便!英國男花園不幸中招

沖繩現火山浮石海、北海道有紅潮!日本漁業大受影響要挨貴海鮮?

荷蘭機場雀鳥為患 派出20位「豬隊友」解決問題

佐賀農園出租山羊除草 日租100円紅到要排隊輪候