【北角美食】投資過百萬建全港最靚打卡Foodcourt 平租+全包宴幫租客疫境中闖出路

·7 分鐘文章
【北角美食】投資過百萬建全港最靚打卡Foodcourt 平租+全包宴幫租客疫境中闖出路
【北角美食】投資過百萬建全港最靚打卡Foodcourt 平租+全包宴幫租客疫境中闖出路

Food Court都可以打卡?北角美食多,卻沒有太多人氣咖啡店或打卡食店,向來都是做街坊跟Office生意,不過最近北角和富樓下就新開了間Food Court,絕美的裝修絕對稱得上是全港最靚Food Court之一,但最想不到的是在這個北角人氣Food Court中,竟藏了一個又一個窩心感人的小故事。

【立即讚好】全新 Yahoo Food Facebook 專頁

專揀冷門地點開店 提供全包宴比租客

「我之前鍾意揀啲冷門啲嘅地方去開店,利用特色裝修去吸引人流,效果都唔錯。」和富樓下美食廣場負責人Johnny說,他旗下餐廳「慢理牆城」跟「漫花燈火OMG」即使開在地理位置較偏僻的舊式酒店入面,依然好評不斷,受到各大媒體跟KOL推介,成為打卡熱店。

正正是這份創意引起和富薈負責人的注意,邀請Johnny在商場開餐廳。「Project正式喺一月份開始傾,當時就諗不如開Food Court啦,但疫情開始嚴重,我就諗如果真係開,除咗喺裝修花心機,仲可以點幫到租客呢?」結果Johnny就想出「全包宴」,「餐廳裝修、牌照、消防、宣傳等等,我一概包辦,租客只需要交租同添置啲器材就可以開檔。」Johnny為了不會有「爭生意」的情況出現,幾間餐廳的餐牌盡量不會重覆,他亦定期落舖關心租客在生意上有沒有困難。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
裝修分開兩邊,保留Johnny的打卡餐廳理念,一邊是富有少女心的粉紅色裝修,另一邊帶有神秘色彩的中東風情。

開店為承傳蛋包飯手藝 流心蛋包飯超吸引

在訪問前後,Johnny都笑說不用關注太多在他身上,「租客先係主角,我只希望大家都搵到食。」原來Johnny開出來的租價並不高,即使大家準時交最低租金,他都需要賠錢給業主,「唯有佢哋生意好,我先可以抽成抽得較多,否則就大家一齊蝕錢。」他說,因此他在選擇租客時都格外小心,「招租時都有4、50間餐廳有興趣,但我睇過每人嘅故事同餐牌再作決定。」

好像門口位置的生原創蛋包飯,就正正因為老闆Pen的故事感動了他,「老實講,生原創本身已經好出名,佢當時唔係我嘅首選。」但原來天后店即將滿約,當時Pen正在想前路時,還在唸幼稚園的兒子已經表現對入廚的興趣,同時亦是蛋包飯Fans,因此令Pen決定為兒子繼續做下去,希望兒子可以承傳這份美味。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
野菜雜菌蛋包飯 $49 選用雜菜汁加入蛋漿混合而成,佐以茄汁,是道吸引小孩的日式美食。

「當初喺天后開店,由我、我妹跟妹夫一齊做。」Pen說,雖然已經做了十年,但是Pen對蛋包飯依然有團火,「以前我唔落手㗎,但發現當時師傅無心做,就決定親自學習。而家我哋會有唔同口味嘅炒飯同蛋皮,做一個好嘅蛋包飯係種手藝,而家坊間好多都只係將雞蛋放喺飯面,同傳統日本家庭做嘅係兩回事。」除了普通版蛋包飯,也有流心蛋包飯,打卡一流。相信在Jonhny眼中,這份蛋包飯包着的,比起利潤,更多的是親情。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
流心蛋原味海膽蛋包飯 $120 輕輕一切,滿瀉的流心蛋佈滿炒飯,牛油味香濃纏舌。
【北角美食】投資過百萬建全港最靚打卡Foodcourt 平租+全包宴幫租客疫境中闖出路
Pen跟太太在訪問中不時提及囝囝,相當幸福。

酒店中佬唔怕辛苦提早開檔 必試濃味喇沙

有些人在疫情中只看到絕路,但是在Food Court中主打星馬美食的前酒店廚Eric,卻看到了出路,「當疫情剛開始爆發時,我已經覺得酒店前景將會好差,反正租金回落,我同拍檔就決定不如試下出嚟開店啦!」看起來像大老粗的Eric卻將酒店的堅持帶到Food Court,令Johnny非常驚喜。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
南洋雜錦喇沙 $72 雖然看起來賣相一般,但意外地湯頭相當濃郁,牛肉也選用安格斯牛肉。

「喺咁多間餐廳中,NY Garden係清潔得最密,同時都係最早返嚟,最遲走。」Johnny稱讚道,本來Food Court會在十點開門給店家準備開檔,但因為Eric要求再早兩小時,Johnny乾脆把鎖匙交給Eric,但同時表明不能遲到,而且若是當中發生甚麼問題,就沒收訂金,Eric也一一答應,直至現在都沒有一天遲到早退,餐廳亦是現在Food Court其中一間最受歡迎的餐廳。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
新加坡無骨海南雞飯 $68 選用96天大的雞隻,雞味較為突出,雞肉滑溜同時醬汁也十分出色,椰子雞湯更是十分足料。
【北角美食】投資過百萬建全港最靚打卡Foodcourt 平租+全包宴幫租客疫境中闖出路
Eric跟拍檔每天都會提早到店舖,烹煮湯底跟備貨。

得獎咖啡師靠本地食材製意式雪糕 Food Cout老闆:佢哋值得一個機會

吃完海南雞飯,想食甜品?轉個彎來到一片全粉紅的地帶,很難想像在Food Court竟然有精品咖啡的存在。「做咖啡師邊個唔想自己開間Chill啲嘅店呀,但我覺得要推廣咖啡文化,就要咩地方都有精品咖啡。」野草老闆Alfred說,他在今年一月曾到意大利學廚,回來香港後碰巧遇見Food Court的招租Post,就決定與太太一起開店。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
Alfred是2017年香港愛樂壓大賽冠軍,首次與太太一起開店,對做生意相當有熱情。
【北角美食】投資過百萬建全港最靚打卡Foodcourt 平租+全包宴幫租客疫境中闖出路
餐廳位於Food Court另一邊,到處都是打卡位。

店舖現在主打自家製意式雪糕跟咖啡,較特別是店內用了環保餐具外,亦選用本地農作物去製作雪糕,例如用梅窩木瓜製作Gelato,吃起來格外清爽。「希望用實際行動去支持本地農業。」Alfred說,另外他亦感謝Johnny在開店時的指導,「我知點去做杯好咖啡,但對於牌照或者水電等問題,真係新手。」同時因為店舖租金不算貴,令他有更多預算去購入一部十幾萬的雪糕機。

【北角美食】投資過百萬建全港最靚打卡Foodcourt 平租+全包宴幫租客疫境中闖出路
木瓜雪糕杯 $68、鮮奶咖啡 $33 選用價格較高,新鮮的梅窩木瓜,木瓜味相當清甜,有意外驚喜。
【北角美食】投資過百萬建全港最靚打卡Foodcourt 平租+全包宴幫租客疫境中闖出路
伯爵茶雪糕配意式杏仁餅、貝殼蛋糕及冧酒提子 $66 基本上有九成配料都是店舖自己製作,幾款甜點配合起來相當相襯。

「我之所以會揀他們,仲要畀咁大地方,唔係我覺得他們會賺大錢。」Johnny邊吃雪糕邊說,「而是佢哋種熱情跟衝勁,令我覺得就算佢哋有可能會失敗,都值得有一個嘗試嘅機會,或者佢哋會成功呢?」香港有不少Food Court,無論是餐廳種類還是裝修大多數都是Copy and paste,雖然對食客來說無聊又無趣,卻必需承認這是一條賺錢的好門路。

這間北角Food Court本應同樣可以「䟴䟴腳」收租,卻選澤背道而馳,花心思跟時間裝修跟設計,以港人引以為豪的創意行先,並用自身能力給於餐廳支持,冒着蝕錢的風險與他們同行,到底多久沒在這個充滿銅臭的城市中看到這種「膽大妄為」的生意人?

和富樓下美食廣場

地址:北角和富中心和富薈B50-B51號舖

營業時間:11:00am-10:00pm

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多炮台山/北角/天后美食推介

【炮台山美食】創意魚料理 麻辣魚麵/港式魚皮nachos/魚肉意大利飯

【炮台山美食】健康無味精住家飯小店!日賣800隻家庭風餃子

【北角美食】每朝店內新鮮製麵!隱世蕎麥麵每日限量60份

【天后美食】90後母女檔開湯水舖!零味精養顏湯品專攻OL

【今晚食乜好】唔知今晚食乜餸?立即去Yahoo Food 食譜專頁搵靈感

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能