北角美食│ 80後中二輟學靠拚博做老闆!開完café再開扒房全因一個字

北角美食│ 80後中二輟學靠拚博做老闆!開完café再開扒房全因一個字
80後阿New,F2輟學,卻憑自身的拚勁,開完咖啡店開扒房,闖出一片天。

9月,新學年。阿媽話,再唔俾心機讀書,第日注定做乞兒。讀唔成書,是否一定會做乞兒?人生價值,是否只在讀成書?36歲的他,讀到F2便輟學,裝修,跟車、地盤都做過。最後入行學廚,麵包西餅咖啡西餐都學過,最後憑着一股永不放棄的拚勁,成為三家咖啡店,一家扒房的老闆。讀書唔成,注定路難行,但不代表不通。只要努力,抓緊目標,不甘平凡,捱過苦楚,也可以打開屬於自己的一片天。

【立即讚好】全新 Yahoo Food Facebook 專頁

胼手胝足

下午,北角,北角匯。商場向海的一邊,有家新開的食肆。5月才開張,人流卻頗多,附近工作的上班族,拍拖搵嘢食的年輕人,把這只冇20個位的小小扒房擠滿,個個坐低,都叫一客牛扒。美國頂級荷斯坦365日穀飼牛肉眼,經過28日乾式熟成,味道濃郁。西班牙加里西亞式牛肉眼乾熟成60個月,油香四溢。「係呀,估唔到開張冇耐,已經有回頭客,仲儲到一班熟客添。」一個頭紮小辮子;上唇蓄着薄薄小鬍子的男子說。

北角美食│ 80後中二輟學靠拚博做老闆!開完café再開扒房全因一個字
餐廳不大,只得20個位,但有一列落地玻璃,十分開揚。

他叫廖玉庭,36歲,人人暱稱他做阿New。他是這家新扒房SteakART的老闆,同時也是觀塘和將軍澳咖啡店Coffee ART及尖沙咀咖啡西餐店Turning Point by Coffee ART的話事人。「其實唔係淨係我係老闆,仲有我太太都係,我哋一齊拍住上。」他望着旁邊的太太Sheila說。他和太太,相識於微時。十年前,二人在僱員再培訓局(ERB)的咖啡調配員課程中相識,由於有共同夢想,乃一起創業,2014年,兩口子挖盡積蓄,膽粗粗在觀塘東廣場開了一間6人座位的小店「Coffee ART」,賣咖啡及輕食。

北角美食│ 80後中二輟學靠拚博做老闆!開完café再開扒房全因一個字
主打乾式熟食牛扒,一個乾式熟食櫃,陳列着正在熟食的牛扒。

「嗰時大家都有團火,覺得想做就做,就衝出去先,唔驚啩!心諗我哋咁後生,有乜事都輸得起啩。」New說。二人真的大膽,夾了四十萬,餘數還要問銀行借,勉強湊夠數開店,連買咖啡機的尾數也不夠。「咖啡機要九萬,俾咗五萬首期,師傅話嚟裝機,收埋尾數,我話唔好嚟住唔得閒,因為尾數四萬蚊我都攞唔出。」阿New說。

勇字當頭

別問我,勇氣這回事,到底從何而來。也許,勇氣多少來自那不甘平凡的心。阿New F2便輟學,做過裝修,跟車、地盤,覺得這都不是自己想做的行業,最後去了學做麵包。做了三年麵包,想學多些技能,又轉去做西餅。做了西餅師傅,見同行老師傅待在餅房一做數十年,心想自己這麼年輕,難道也就這樣一直幹下去?「嗰時我見有咖啡店同開我哋攞蛋糕,攞貨就$5,賣出就$30,我心諗,咁好賺,點解唔做咖啡店。」他說。

北角美食│ 80後中二輟學靠拚博做老闆!開完café再開扒房全因一個字
美國頂級荷斯坦365日穀飼牛肉眼$680

28日乾式熟成,肉質腍滑,牛肉味及脂肪味十分平衡。

2011年,他見僱員再陪訓局有咖啡調配員課程,想去報讀,但條件要無業,那時他做西餅師傅,月薪有$18,000,算是不錯,他思前想後,最後只憑一個勇字,就決定忍痛把工辭掉,破釜沉舟,去學咖啡,從此改寫了人生。「前後讀了兩三個月,最初學拉花,慢慢了解烘焙,之後接觸精品咖啡,發覺個世界原來可以咁大,整個人改變,讀完冇再返去做西餅。」他說。於是,他和同學Sheila合股開咖啡店,得六個位,賣咖啡和意粉,除了意式烘焙咖啡,還有手沖精品咖啡。那時客人對精品手沖認識不深,常與茶餐廳及咖啡連鎖店比較,反應並不理想。

北角美食│ 80後中二輟學靠拚博做老闆!開完café再開扒房全因一個字
西班牙加里西亞式牛肉眼$438/250g

這牛自由放養,只吃天然飼料,飼養至少60個月。雖沒有作Dry aged乾式熟成,仍然肉汁豐富。

「試過有客人話,點解你啲咖啡要等咁耐,我不如去7-11買好過。」New說。

他沒氣餒,由於他有西餅手藝,甜品做得特別出色。窩夫、檸檬撻,都做得很好,結果憑一道改良過的鐵板布朗尼(Brownies)殺出生天。布朗尼鐵板熱住現上,淋朱古力,這吸睛做法,剛好趕上打卡潮,成為響朵名物。「好多傳媒報道,生意好好,之後我哋喺將軍澳開分店,仲有自己嘅炒豆機,香港好少咖啡店有。」

再接再厲

2020年,他倆再在尖沙嘴開設新品牌「Turning Point by Coffee ART」,主打咖啡及西餐。今年5月,再在北角匯開Steak ART,以乾式熟成(Dry-aged)牛扒做主打,事業一帆風順。阿New愛咖啡,本來不懂吃牛。2018年,咖啡機代理請客戶去意大利佛羅倫斯考察,期間帶他們到一間專吃意大利乾熟成牛扒的米芝蓮三星餐廳。一塊大T骨牛扒,淨重5kg,以乾熟成方式來處理,他吃後,大表震驚,心想這牛扒和平常吃過的都不同,原來牛扒可以這樣好吃的。

北角美食│ 80後中二輟學靠拚博做老闆!開完café再開扒房全因一個字
法式龍蝦湯配阿根廷紅蝦刺身$98

用龍蝦殼熬製半日,湯底帶有濃濃龍蝦香氣,配紅蝦刺身,真材實料。

「返嚟之後,就買書睇,開始去了解何謂dry aged,慢慢就愛上了。」他說。那時,咖啡店上了軌道,他想試不同的東西,心想自己既然鍾意吃這乾式熟成牛,何不做一間以此為主打的扒房?他找了舖位,引入德國乾式熟成櫃,自家做乾式熟成。乾熟成櫃保持攝氏1至2度,避免溫度低過令水份結冰而影響牛肉質地,另外,櫃內設有紫外線燈幫空氣消毒,濕度控制60至90%之間,令牛肉保持最佳狀態。

北角美食│ 80後中二輟學靠拚博做老闆!開完café再開扒房全因一個字
法式紅酒燴梨伴雪葩$88

甜品也不俗,紅酒全滲進梨中,香氣醉人。配雪葩來吃,添了清新。

熟成後的牛扒,重量會減少約3成,可烹煮的部分只剩7成左右。他專取脂肪有豐富分佈均勻的品種,如西班牙加里西亞式牛、美國紅毛和牛、美國賀斯坦牛、韓牛等來做。最初他自己試,乾式熟成由14日一直去到40幾日,他都一一試清楚,最後發現乾熟成28日至35日左右最適合。「我只用西冷及肉眼,Bone in,有筋膜,Dry aged起嚟味道會再濃郁啲。」他說起來雙眼像會放光一樣興奮。由麵包,到西餅,然後咖啡,再到牛扒。每個階段,阿New都不甘停留,成功沒有成為羈絆,他總在尋找新的滿足。New,不單是他的名字,也在不知不覺間,成為他的人生哲學了。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

Steak ART
地址:北角渣華道123號北角滙2期地下G17號舖(地圖按此

電話:55299868

營業時間:11am-10pm

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多北角/天后/炮台山美食推介

北角匯美食新餐廳推介5間!韓國Pizza過江龍/人均$200海景鋸扒

北角美食│香蕉日式咖喱一啲都唔伏?親民價日式香蕉咖喱蛋包飯

新世界韓國食品北角開超市!進軍北角匯:買1送1優惠/6大韓式品牌/韓國泡菜份量免費升級

【北角美食】投資過百萬建全港最靚打卡Foodcourt 平租+全包宴幫租客疫境中闖出路

【炮台山美食】創意魚料理 麻辣魚麵/港式魚皮nachos/魚肉意大利飯

【炮台山美食】健康無味精住家飯小店!日賣800隻家庭風餃子

【北角美食】每朝店內新鮮製麵!隱世蕎麥麵每日限量60份

【天后美食】90後母女檔開湯水舖!零味精養顏湯品專攻OL

【今晚食乜好】唔知今晚食乜餸?立即去Yahoo Food 食譜專頁搵靈感

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!