11月24日係區議會選舉，今年社會氣氛大不同，

市民政治覺醒，唔少年青人「落場」參選，幾乎唔會再有自動當選嘅情況。

戰情激烈，要贏唔係咁易架。

呢期開始選民都收到宣傳單張，

有網民好眼利，發現油尖旺大南選區嘅候選人、屬於建制政團經民聯嘅李思敏，

入面提出的功績包括……

喺區內籃球場花槽，幫長者執返個波。

其實佢內文係提到籃球場邊花槽離地面比較高，

一旦飛咗個波入去，執波就會有危險，所以會促請當局改善。

哦……咁唔少人心目中，呢啲真係地區工作嚟嘅。

畢竟一人一票，街坊心態都想有個人幫下手。

所以千祈唔好睇少執波！

同區已報名參選人包括李國權及蔡其隆。