《十八年後的終極告白》首播 網民讚多過彈 五大理由值得追!

·3 分鐘文章
《十八年後的終極告白》劇照
《十八年後的終極告白》劇照

無綫懸疑新劇《十八年後的終極告白》由譚俊彦、黄智雯、陳山聰及楊秀惠主演,劇情主要講述7個屋邨少年與古惑仔爭執之後,結果古惑仔意外死去,其他少年為咗掩飾真相將屍體埋藏,之後佢哋就各散東西。但18年後骸骨被意外發現,令七子再次聚首,真相亦逐步揭開,面對當年嘅彌天大禍。《十八年後的終極告白》喺噚晚正式首播,等我哋一齊睇下網民有啲咩反應啦!

劇情有追看性

劇情圍繞一樁18年前嘅集體殺人案,令人諗返起神劇《天與地》,所以劇集未開播唔少網民已經話好期待。喺首集一開頭已經講古惑仔被殺,而屍體亦被埋藏,呢個場面已經被網民讚開局認真。另外,噚晚仲有細雷生(黄子雄飾)及女友(劉芷希)撞車後汽車爆炸身亡、林朗生(譚俊彥飾)被帶到湖邊要脅及李強(蕭徽勇飾)墮樓等等刺激情節,唔少網民都大讚劇集有劇味、有追看性,不過就希望唔好變咗感情戲。

《十八年後的終極告白》截圖
《十八年後的終極告白》截圖

好多《愛·回家之開心速遞》演員出演

唔少網民都發現噚晚嗰集有好多《愛·回家之開心速遞》嘅演員演出,例如有「朱凌凌」吳偉豪、「Anita」梁茵、「細力」秦啟維、「龔友」蔡國慶及「書蟲」林浩文等等。

《十八年後的終極告白》截圖
《十八年後的終極告白》截圖
《十八年後的終極告白》截圖
《十八年後的終極告白》截圖

譚俊彥演技有進步

再一次擔正做男一嘅譚俊彥,今次喺劇中飾演會計師林朗生,係7個屋邨少年之一,佢為人冷靜、分析力強、正直又重情義。噚晚劇情就講到佢跑步期間目擊到交通事故,肇事司機同乘客用巨額利誘佢失敗,之後就聘請黑社會小頭目沈敬一(陳山聰飾)去要脅佢,沈敬一仲提起林朗生18年前嘅事,令佢喺警署認人時故意隱瞞事實。雖然喺佢俾人將個頭浸落水之後,佢副眼鏡同頭髮都係乾嘅,不過網民都大讚佢今次演技有進步。另外,譚俊彥劇中造型踏實,網民都讚佢個專業look好型。

《十八年後的終極告白》截圖
《十八年後的終極告白》截圖

陳山聰騷肌肉吸睛

陳山聰喺劇中飾演黑社會小頭目沈敬一,雖然佢性格火爆,不過就好有義氣。陳山聰噚晚已經出場多次,其中佢同何啟南嘅擂台搏擊戲就令觀眾留下深刻印象,佢哋二人因社團收樓嘅事有拗撬,所以就喺擂台上打鬥。佢哋赤裸上身上演爆肌肉搏戲,唔少網民都留意到陳山聰嘅fit爆body同八舊腹肌。

《十八年後的終極告白》劇照
《十八年後的終極告白》劇照

終於有得睇黃智雯

黃智雯上一次嘅新劇已經喺上年嘅《街坊財爺》,今次佢喺劇中飾演重案組督察阮麗瑾,同譚俊彥有唔少感情戲,唔少網民都話好期待佢嘅演出。

《十八年後的終極告白》劇照
《十八年後的終極告白》劇照

又係鄭俊弘唱主題歌

劇集主題歌《告白》搵嚟鄭俊弘主唱,不過網民們似乎就唔係好buy,仲話佢老是常出現。其實今次係鄭俊弘繼《黃金有罪》同《法證先鋒IV》後,今年第三次唱劇集歌。