十大網紅榜︳陳家樂求婚成功兼榮登冠軍 仲有位前輩級藝人打入十大

社交媒體分析公司Cloudbreakr以數據得出每月十大網紅榜，每個月嘅十大名單，同前一個月相比可以話係大執位，例如5月十大之中，只有4月冠軍903DJ阿正可以出現留喺十大，其餘人物全部唔同！

早前同女友連詩雅求婚成功嘅陳家樂，受惠於求婚post多人like多人祝賀，令佢嘅社交平台帳戶活躍度大大上升，喺6月成為冠軍人馬，雙喜臨門。家樂亦係十大唯一一位至於亞軍同季軍分別係網紅女主持米姬同張嘉殷。6月十大當中，靚女網紅佔咗4個席位，實力不容忽視。

今期繼續冇MIRROR成員上榜，但係同鏡仔扯上關係嘅女藝人就榜上有名。第4位嘅係Edan 呂爵安個人單曲《E先生連環不幸事件》MV女主角譚旻萱(Mandy），而第7位就係上個月嘅第9位人物毛姐毛舜筠。毛姐同MIRROR成員分別合演電影《阿媽有咗第二個》及《死屍死時四十四》，對人氣有一定幫助。

其餘上榜嘅仲有參加ViuTV口罩小姐獲季軍嘅馮寶欣(細細粒，第5位），排第6嘅姜麗文成為十大唯一一位TVB女藝人，而人氣唱作人Gareth T（湯令山）女友Moon Tang則登上第9位。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！