十月初五的月光｜蔚雨芯睇新劇令獨立屋曝光 過百萬大型手袋櫃最吸晴

TVB劇集《十月初五的月光》以全新演員陣容拍攝，並喺啱啱過去嘅星期一（22日）播出，有份演出嘅蔚雨芯（Rainky）日前就喺IG分享佢喺屋企睇新劇嘅限時動態，令家居客廳裝潢曝光。

喺限時動態上見到，蔚雨芯屋企個客廳超巨大，唔單止具空間感，仲設有特色牆安放大電視。蔚雨芯間中都會喺IG大曬新居環境，設有食早餐區域、瑜伽專區及屋內樓梯，不過最令人羨慕就係擁有露天大泳池同埋主人房內設大型手袋櫃，擺放大量Hermès、CHANEL、LV、GUCCI等名牌手袋，估計價值超過百萬。

28歲嘅蔚雨芯童年時期喺屯門山景邨長大，近年大搞美容產品生意而至富，蔚雨芯不但親自試用自家美容產品，仲有逾600個代理幫手，閒閒地平均賺過百萬一個月。蔚雨芯接受訪問嗰陣仲提到，獨立屋係媽媽買畀細佬，笑言自己係寄人籬下，不過其實蔚雨芯早喺去年買入約770萬元將軍澳單位做業主，今年又喺IG限時動態分享過與生意拍檔夾份買約840萬西九龍新樓盤作投資。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！