十月初五的月光|首播劇情悶又老土 網民:睇緊粵語長片咁

·5 分鐘文章
《十月初五的月光》截圖
《十月初五的月光》截圖

TVB第三套台慶劇《十月初五的月光》喺噚晚首播,新版以全新陣容亮相,初哥哥同君好由胡鴻鈞同何依婷接手,人物設定方面亦有改變,Q姨變成萬朱莎華嘅媽媽,而君好就變成Q姨個孫。新版與舊版相隔足足21年,想知網民們睇完第一集有咩感受,快啲轆落去睇下啦!

劇情又悶又老土
劇集雖然叫《十月初五的月光》,不過背景就由澳門改為流浮山。噚晚劇情就講到喺80年代時流浮山歌后朱莎嬌(米雪飾)帶着孖女莎莎及莎華,孖女(何依婷飾)長大後都戀上祝展輝(余德丞飾),兩姊妹更為佢關係決裂,莎華離家出走,而莎莎就瞞住展輝誕下君好後難產逝世。文初生母(莊思明飾)唔會老公同莎華鬼混,一怒之下竟然灌文初喝漂白水,導致佢變成啞巴。後來,莎嬌獨力湊大文初(胡鴻鈞飾)同君好(何依婷飾)。唔少網民睇完都留言認為劇情非常悶同老土,例如「老土到爆,點解唔轉黑白扮粤語殘片」、「睇緊粵語長片咁」、「點解可以拍得咁老土」、「暫時睇左半個鐘‘一個字「悶 」」、「好失望 冇以前咁好睇,同完全唔吸引」、「好老套劇情」、「D劇情好似60、70年代D粵語殘片,仲老土過之前嗰套」及「舊嗰套冇睇過,好似睇緊粵語長片,咁老土的劇情都可以拍」等等。

《十月初五的月光》截圖
《十月初五的月光》截圖
《十月初五的月光》截圖
《十月初五的月光》截圖

新不如舊
2000版《十月初五的月光》係經典中嘅經典,新版自然難免會被比較,結果網民們一面倒認為新不如舊,紛紛留言話睇返舊版好過,例如「如果同時段改為重播舊版,收視可能仲高過新版」、「睇返舊版好過」、「想睇返原版 宜家睇呢個好尷尬」、「播番舊劇算啦,呢套真心膠膠地咁」、「係都要玩爛套經典」、「舊版第一集節奏算快,新版不停講劇情,悶到嘔」、「可唔可以唔好破壞經典」、「經典劇永遠唔好翻拍啦」及「睇咗半集無再睇落去,即刻睇番舊版嘅十月初五的月光」等等。

《十月初五的月光》截圖
《十月初五的月光》截圖

何依婷未夠班分飾三角
今次係上位小花何依婷(Regina)首次擔正做女一,除咗挑戰經典角色祝君好之外,噚晚佢仲要飾演埋年青版莎莎及莎華,一人分飾三角,絕對係演技太考驗。首集播出後,雖然有網民讚佢演得不錯,三個角色有三種演繹方式,不過唔少網民都認為佢未夠班,例如「何依婷講對白好似含緊舊嘢咁」、「何依婷演技好戲屎」、「何依婷真係睇到好尷尬…」、「何依婷做女一已經未夠班 仲要佢一人分飾兩角 趕客」、「何依婷一黎要佢做三個角色根本唔掂」、「條女啲戲唔掂喎 睇到好尷尬⋯⋯」及「何依婷既演出扣左分」等等。

《十月初五的月光》截圖
《十月初五的月光》截圖
《十月初五的月光》截圖
《十月初五的月光》截圖
《十月初五的月光》截圖
《十月初五的月光》截圖

胡鴻鈞演初哥哥毀經典
「初哥哥」呢個角色令到張智霖爆紅,而新版就由胡鴻鈞接手,不過網民們似乎唔多滿意,紛紛留言鬧爆無綫選角有問題,例如「呢個初哥哥 搞唔掂」、「咁都拎黎做台慶劇真係哪裡來的自信 見到啲主角都唔開胃 唔係話要比係根本完全冇得比」、「完全接受唔到初哥哥塊面起角囉」、「唔錯,可惜揾錯人演初哥哥」、「接受唔到靚仔初哥哥由胡去做,我決定轉台。」、「揾胡做初哥哥, TVB簡直想自殺, 自毀經典」、「我完全接受唔到由胡鴻鈞做初哥哥 同張智霖差太遠太遠太遠」、「胡現在個樣太恐怖,削骨厚粉畫眉以為真係變咗靚仔 見到都唔開胃」、「根本胡都唔適合呢個角色 因為佢唔靚仔,好趕客!」及「永遠都取代唔到張智霖」等等。

《十月初五的月光》截圖
《十月初五的月光》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能