【萬聖節2021】海洋公園哈囉喂全園祭搶先試玩!六大園區邊個最好玩?附開放日期及收費詳情

·5 分鐘文章
【萬聖節2021】海洋公園哈囉喂全園祭搶先試玩!六大園區邊個最好玩?附開放日期及收費詳情
【萬聖節2021】海洋公園哈囉喂全園祭搶先試玩!六大園區邊個最好玩?附開放日期及收費詳情

要數十月最大玩樂盛事,當然唔少得萬聖節Halloween。唔講唔知海洋公園哈囉喂已踏入20歲,今年以「新常態・玩過界」做口號,將地面和山上畫分成合家歡的日間驚嚇體驗及包含追加門票的夜間驚嚇體驗,面對全新的萬聖節主題園區設計,不少人也在觀望值不值得入場,今次記者就先搶先為大家介紹一下裡面有咩好玩及必玩設施推薦!

展覽美食 狂賀20周年

先講講地面部份,是哈囉喂fans的一定不能錯過怡慶坊變身成的「20周年追魂館」!門口周邊展覽着20年來的精選場景相片,有恐怖的殭屍及喪屍,也有可愛的卡通或動漫角色,睇完開心記憶返晒嚟!館內則有中、日、歐美及墨西哥四大鬼怪主題區,紙紥的童男童女、鳥居的雨傘鬼、古堡吸血殭屍和亡靈節七彩花臉等一一有齊,當中23套更是歷年最吸睛的萬聖節服裝,華麗度爆燈!飲食方面,今次亦勁有心思,園內不同大小餐廳和小食亭均有推出應節食品,如爐炭燒又辣又火紅的泰式酸辣湯和被詛咒的稻草人炒金邊粉、水都餅店的嘩鬼或南瓜造型的cupcake,以及一系列又紅又綠,如血漿如鬼口水的特飲,顏色夠靚打卡最啱!

20周年追魂館不單止裝潢華麗,內裡的收藏品更令人目不暇給。
20周年追魂館不單止裝潢華麗,內裡的收藏品更令人目不暇給。
鳥居加上燈籠鬼和無臉歌姬,和風味十足。
鳥居加上燈籠鬼和無臉歌姬,和風味十足。
亡靈節色彩繽紛又有大花臉,好鬼啱打卡!
亡靈節色彩繽紛又有大花臉,好鬼啱打卡!

南神地帶 老幼咸宜

不過無南瓜嘅萬聖節,又點稱得上萬聖節呢?唔駛急,只要稍移玉步到海濱樂園廣場就會發現南神莊園!裡面以5米高的南神為首,不時會噴出煙霧召喚大大小小,兼造型各異的南瓜兵團出來恭候大家,而且當夜幕低垂亮起橙黃燈光,打卡合照就更有氣氛!若果怕小朋友驚驚,早上11點到下午5點場內會有南神糖果車,畀大家感受Trick or Treat南神貼心一面。

入夜後橙色的燈光亮起,令南神莊園更好feel!
入夜後橙色的燈光亮起,令南神莊園更好feel!
南神莊園日夜都會開放,完全是兩種氣氛。
南神莊園日夜都會開放,完全是兩種氣氛。
除了南神兵團,也不乏造型可愛的卡通公仔,唔怕嚇親小朋友。
除了南神兵團,也不乏造型可愛的卡通公仔,唔怕嚇親小朋友。

轉個彎,乘坐海洋列車上山前,香港老大街頓然怨氣沖天,事關這時光倒流到60年代的大街最近發生了離奇命案,每晚惡鬼Lucy姐會聚集了一班鬼街坊,如專賣人雜的「鮮人之味」,專打小人的「陰騖小人」及幫人算命的「孟婆館」。雖然佢哋個個都身懷絕技,但都敵唔過Lucy姐發惡迫功,唔知大家可唔可以幫佢哋解迷,搵出原兇呢?

乘坐海洋列車上山前的香港老大街有怨氣,要靠大家用膽色同智慧去化解。
乘坐海洋列車上山前的香港老大街有怨氣,要靠大家用膽色同智慧去化解。
街邊阿姐賣的不是牛雜,睇真啲原來係血淋淋嘅小朋友人雜呀!
街邊阿姐賣的不是牛雜,睇真啲原來係血淋淋嘅小朋友人雜呀!
香港老大街街邊排檔、舊戲院和唐樓,令人如回到60年代。
香港老大街街邊排檔、舊戲院和唐樓,令人如回到60年代。

猛鬼唔怕多 追加任你玩

上山之後恐怖氣氛會大升級!會有陰濕奪寶、屍襲逃亡和鬼上身事件簿三大追加票項目,而且可以無限玩,唔怕嚇死的朋友不要錯過。陰濕奪寶是個要大家於阿瑪遜熱帶雨林尋寶的遊戲,要小心食人族當大家專心尋找印章,或乘坐橡皮艇時的偷襲。雖然未至受傷,但一定會令到大家變落湯雞!屍襲逃亡可說是最驚嚇的一個,大家穿過充滿喪屍的曲折又窄長的隧道,為博士尋找解藥之餘,更需要好好保護自己,逃過隨時出現的喪屍襲擊,如不見了身上的索帶就會變成他們的同類了!鬼上身事件簿則要跟隨捉鬼大師於荒廢的機動遊戲控制室探靈,驚嚇點是大師不時召喚「朋友仔」無定向現身,叫人防不勝防!

話明係陰濕奪寶,梗係要令大家濕身,唔止坐激流,仲會陰陰濕濕射濕你!
話明係陰濕奪寶,梗係要令大家濕身,唔止坐激流,仲會陰陰濕濕射濕你!
每個追加關卡都會有自己嘅恐怖故事,大家記得聽清楚指示,唔係白驚一場就唔抵啦!
每個追加關卡都會有自己嘅恐怖故事,大家記得聽清楚指示,唔係白驚一場就唔抵啦!
屍襲逃亡最考大家冷靜同身手,要穿過充滿喪屍的曲折隧道,為博士尋找解藥。
屍襲逃亡最考大家冷靜同身手,要穿過充滿喪屍的曲折隧道,為博士尋找解藥。

搞鬼冥婚 載歌載舞

驚足一晚,最後終於可以回回氣,所說的是海洋路舉行的屍人大婚!下午6點至10點,會有4場表演,由穿身道士服的大師帶領,伴隨有童男童女、牛鬼蛇神,個個化妝超級精美,於路上浩浩蕩蕩,舉辦精彩婚禮外,亦會邀請陽間的觀眾一齊同樂,完全是個嘉年華,是人鬼同歡的好時候,亦是大家把握機會影相打卡的最後時機,叫大家能興盡而返!

嚇餐飽之後,不如參加歡樂多於恐怖的屍人大婚沖喜一下才回家吧!
嚇餐飽之後,不如參加歡樂多於恐怖的屍人大婚沖喜一下才回家吧!
屍人大婚讓大家有機會出場做鬼新娘,而且思想時尚,男女都有機會㗎!
屍人大婚讓大家有機會出場做鬼新娘,而且思想時尚,男女都有機會㗎!
飲食方面,今次亦勁有心思,園內不同大小餐廳和小食亭均有推出應節食品。
飲食方面,今次亦勁有心思,園內不同大小餐廳和小食亭均有推出應節食品。
唔止食品出色,又紅又綠的嘩鬼飲品都一樣咁正!
唔止食品出色,又紅又綠的嘩鬼飲品都一樣咁正!

海洋公園哈囉喂全園祭~日連夜驚嚇體驗

日期:10月14至17日、22至24日、29至31日

時間:5:00pm~10:00pm

收費:HK$360、HK$195 (成人、小童) + HK$280 (追加票)

更多萬聖節好去處相關文章

【萬聖節2021】香港萬聖節好去處特集!詭異體驗/市集/工作坊/音樂會/Staycation丨持續更新

【萬聖節2021】香港6個萬聖節創意工作坊 紙雕南瓜燈籠/嘩鬼淋面蛋糕蠟燭/香薰南瓜沐浴球

萬聖節2021|5大主題酒店Staycation推介!朗廷送恐怖劏房主題密室逃脫/海洋公園哈囉喂版豪華露營/港麗最抵住

香港人氣主題景點門票優惠合集!$280海洋公園哈囉喂門票要留意一件事/迪士尼萬聖節低至87折入場包餐飲券

【香港好去處】全港商場最新主題活動合集!屯門山海節/Monchhichi馬戲團嘉年華/香港木工展/大型藝術聯展(持續更新)

更多戶外好去處相關文章 

【野餐攻略】新手野餐10大注意事項 必備物品/野餐食物種類/野餐服裝/選址技巧

【行山路線】約三小時登上打卡熱點蠄蟝石頂 細看地質奇觀蠄蟝石+萬宜水庫景觀

【行山路線】港島區短線行山推介 寶馬山出發!30分鐘登上紅香爐峰 看維港日落美景

【行山路線】大嶼山東澳古道初級路線 大澳出發!遠看港珠澳大橋/深屈嘆蠔餅/沙螺灣看藝術裝置

【香港單車路線】科學園+馬料水單車一日遊 大水坑單車公園/沙田雙子橋/科學園歇腳/白石角文青小食亭

【香港單車路線】洪水橋單車+行山一日遊 租借古典單車/洪水橋排水道打卡/洪水坑水塘看美景

西貢staycation兩日一夜行程提案!人均$875住The Pier酒店包早餐/紅樹林獨木舟/珍珠首飾DIY

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能