半世紀以來全球3分2野生動物消失
正當世界各地都話要保育,實際上情況又係點呢?環保組織「世界自然基金會」(WWF)最近公佈數字,自1970年以嚟全球野生動物數目已經大減3分2,主要原因係動物嘅家園不停被人類入侵及破壞,導致動物無家可歸而死亡;當然同時因為各地天災例如山火、洪水等,都同時令動物遭殃,而且好多都係由人類間接造成。大家千祈咪以為唔關自己事,專家認為大量野生動物死亡會導致生態系統失去平衡,繼而令大量疾病出現,包括今次嘅新冠肺炎。WWF認為全球氣溫急劇上升,每6秒就消失一個足球場咁大嘅熱帶雨林,情況已經史無前例咁嚴重。WWF呼籲各國政府必須即時行動,以免後悔莫及。
相關文章: