半世紀唔使諗

星島日報

【星島日報報道】今日標題,可有引起你好奇?半世紀即五十年,世界變化萬千,為乜小弟會實牙實齒批死——唔使諗!係乜呢?正是海南賽馬想成功!

香港賽馬事業,論規模、論水平、論專業,全部世界頂級。不過,有樣 ,不但世界頂級,事實上,全球馬場皆做唔到,就是非牟利!所有收入,用在三方面——納稅、行政及行善。

另外,還有一個非常時期的重要任務——穩定金融市場,尤其是遇上大股災,馬會基金就揮軍入市,一方面執平貨,另一大目標,安定人心。

香港馬會的社會角色,非常獨特,全球難得一見,兼且持續百年而毫無大錯。因為賽馬乃英國人的國粹文化,各方面知識源遠流長,由幕後的管理架構到幕前的操馬賽馬及接受投注,皆有一套穩健行之有效的模式。

當然,單靠馬會不會成功,必須配合馬會外的立法、司法及執法機構。賽馬投注額乃天文數字,有錢地方就有騙子,若監管機構能力弱些少都撳不住無數蛇蟲鼠蟻。幸而,廉政公署素來鐵面無私又高效,令馬圈冇人敢明目張膽出蠱惑,早年就有練馬師及騎師送赤柱也。

好 ,中國國務院發布《關於支持海南全面深化改革開放的指導意見》(嘩!水蛇 咁長!),提出發展賽馬運動。當然,正是見到香港賽馬模式成功,故希望照抄,以作造福社會試點。

小弟前睇後睇,都毫無信心海南搞賽馬,能五十年內成功,因為:一、欠缺國際級管理文化;二、欠缺一個強而有力的廉政部門;三、欠缺馬會外的立法、執法及司法系統配合;四、欠缺一貫穩定政策(早年廣州馬場本已在運作,中央一聲改政策,即時執笠)。搞賽馬,人才(練馬師、騎師等)易請,但文化及監管系統建立極困難。看看澳門搞左N年得個桔,可思過半。

阿碌開咪 曾智華

專欄

你可能還想看