博物館擺烏龍 宣稱搵到百多年前古物 原來係3年作品?

·1 分鐘文章

大家有無諗過逛博物館見到嘅歷史展品,其實係咪真係如博物館所指有咁多年歷史?大家睇完呢宗新聞,可能之後會重新諗諗係咪盡信博物館所言喇。

加拿大皇家博物館係維多利亞之中最大博物館,今年1月館方極度興奮宣佈於海灘發現一尊石像,相信係來自1880年或之前當地原住民所雕之石像,認為可以透過石像了解當地原住民「桑吉斯族」嘅歷史,其中博物館館長更於館方社交媒體上寫明「這是一個擁有非凡故事的重大發現!」不過日前當地藝術家Ray Boudreau就大潑冷水,直指石像原來係佢3年前作品,更出示2017年完工時拍攝嘅照片做證,仲話「110%肯定是我作品」。及後博物館雖然話仍要時間考證,不過就靜靜雞將所有相關圖片都下架,即係都默認係擺個大烏龍啦!

加拿大皇家博物館以為石像有百多年歷史。 (圖:加拿大皇家博物館)
加拿大皇家博物館以為石像有百多年歷史。 (圖:加拿大皇家博物館)
館長更於館方社交媒體上寫明係重大發現。 (圖:加拿大皇家博物館)
館長更於館方社交媒體上寫明係重大發現。 (圖:加拿大皇家博物館)
當地藝術家出示2017年完工時拍攝嘅照片做證。 (圖:Ray Boudreau@Twitter)
當地藝術家出示2017年完工時拍攝嘅照片做證。 (圖:Ray Boudreau@Twitter)

下載全新Yahoo App

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!


相關文章:

情人節2021-由身心療癒到內外養生-窺城中豪華酒店staycation特色酒店

行山路線-九逕山-行山好去處-新界行山-天梯

移民-瑞士-移民攻略-移民-方法-slasher-搵工